Li tiikebʼ xchʼool chiru li Jehobʼa nekeʼxbʼaanu li xeʼxyeechiʼi

Yaabʼasi Jueces 11:​30-40 re rilbʼal kʼaru naqatzol rikʼin laj Jefté ut li xrabʼin chirix xbʼaanunkil li xqayeechiʼi re li Jehobʼa.

Sikʼ xkomon li naʼlebʼ chirix li kikʼulmank. Chanru nekeʼril ebʼ laj Israel li tiikebʼ xchʼool li yeechiʼom li nekeʼxkʼe re li Jehobʼa? (Núm. 30:2). Chanru laj Jefté ut li xrabʼin nekeʼxkʼutbʼesi naq nekeʼxpaabʼ li Jehobʼa? (Juec. 11:​9-11, 19-24, 36).

Tzʼil rix junjunq li naʼlebʼ. Kʼaru kixyeechiʼi laj Jefté re li Jehobʼa ut kʼaru kiraj xyeebʼal? (yc tzolom 4 perel 10, 11). Kʼaru xeʼxbʼaanu laj Jefté ut li xrabʼin re xbʼaanunkil li xeʼxyeechiʼi re li Jehobʼa? (w16.04-S 7, 8 raqal 14-16). Kʼaru naru tqayeechiʼi re li Jehobʼa saʼ li qakutan? (w24.03 9, 10 raqal 6-9).

Kʼoxla ebʼ li naʼlebʼ li nakaatzol. Kʼoxla aʼin:

• Kʼaru tinxtenqʼa re xbʼaanunkil li xinyeechiʼi re li Jehobʼa naq xinqʼaxtesi linyuʼam chiru? (w20.03 13 raqal 20).

• Kʼaru tinruuq xbʼaanunkil re xkʼebʼal xtzʼaqobʼ linkʼanjel chiru li Jehobʼa?

• Kʼaru tinxtenqʼa re xbʼaanunkil li xinyeechiʼi re linsumʼaatin naq xoosumlaak? (Mat. 19:​5, 6; Efes. 5:​28-33).