Kʼaʼut toj wank li pleetik?

LI MAAK

Li Yos kixyobʼtesi laj Adán ut xʼEva joʼ xjalam u, aʼin naraj xyeebʼal naq teʼruuq xkʼutbʼesinkil li rahok ut li tuqtuukilal joʼ li Jehobʼa (Génesis 1:27; 1 Corintios 14:33; 1 Juan 4:8). Abʼan ra xyeebʼal, xeʼxqʼet ribʼ chiru ut xeʼmaakobʼk. Saʼ xkʼabʼaʼ naq laaʼo ralal xkʼajol xqechani li maak ut li kamk (Romanos 5:12). Xbʼaan aʼin naqakʼoxla ut naqabʼaanu li maaʼusilal (Génesis 6:5; Marcos 7:​21, 22).

EBʼ LI AWABʼEJ

Li Yos inkʼaʼ xooxyobʼtesi re naq tqabʼeresi qibʼ chiqibʼil qibʼ. Li Santil Hu naxye naq moko saʼ ruqʼ ta li winq wank li xbʼeenik (Jeremías 10:23). Joʼkan naq ebʼ li awabʼej inkʼaʼ teʼruuq risinkil chi junajwa li maaʼusilal ut li pleetik.

LAJ TZA UT EBʼ LI MAAʼUS AJ MUSIQʼEJ

Li Santil Hu naxye naq «chixjunil li ruuchichʼochʼ wank rubʼel xwankil li Maaʼus» (1 Juan 5:19). Li maaʼus aʼan laj Tza ut aj kamsinel (Juan 8:44). Rochbʼeen ebʼ li maaʼus aj musiqʼej nekeʼxbʼaanu naq ebʼ li kristiʼaan teʼxbʼaanu li maaʼusilal ut teʼpleetiq (Apocalipsis 12:​9, 12).