Tzol aanaʼlebʼ rikʼin rilbʼal ebʼ li jalam u

Saʼebʼ li qatasal hu wank naabʼal ebʼ li jalam u li nokooxtenqʼa chi xjultikankil li naʼlebʼ li wank xwankil. Chanru taatzol aanaʼlebʼ yal rikʼin rilbʼal ebʼ li jalam u?

• Naq toj maajiʼ nakaayaabʼasi li tzolom, chaawil chixjunil ebʼ li jalam u. Maare aʼin tixbʼaanu naq taawaj xtzolbʼal li naʼlebʼ. Joʼ naq nakaawataw li tzekemq naq nakaawil, joʼkan ajwiʼ tkʼulmanq wi xbʼeenwa taawil ebʼ li jalam u. Naq toj maajiʼ nakaawil li tzolom kʼoxla: Kʼaru ebʼ li jalam u nawil? (Amós 7:​7, 8).

• Naq yookat rilbʼal li tzolom kʼoxla kʼaʼut xkʼemank li jalam u aʼin. Wi wank xchʼolobʼankil junaq li jalam u, naru taayaabʼasi. Il chanru naxchap ribʼ li jalam u rikʼin li xjolomil li tzolom ut kʼe reetal kʼaru nakaatzol chirix.

• Naq taachoy xyaabʼasinkil li tzolom, chaawil ebʼ li jalam u re xjultikankil li naʼlebʼ li wank xwankil. Moqon tzʼap laawu re xjultikankil ebʼ li jalam u ut li xaatzol chirix.

• Chaawil jun sutaq chik ebʼ li jalam u li wank sa li hu aʼin ut kʼe reetal ma tatruuq xjultikankil li xaatzol.