Kʼaru tooruuq xtzʼaamankil re li Yos?

Li naxsume li Santil Hu

Naru naqatzʼaama re li Yos yalaq kʼaru abʼan tento tixkʼam ribʼ rikʼin li rajom joʼ naxkʼut li raatin li Yos. Li Santil Hu naxye: «Naqanaw naq li kʼaʼaq re ru naqatzʼaama re, wi naqatzʼaama joʼ naraj li Dios, aʼan nokoorabʼi» (1 Juan 5:14, Li Santil Hu, Wycliffe Bible Translators. Akʼ tzʼiibʼ). Joʼ naqakʼe reetal, naru naqaye re li xkʼaʼuxl qachʼool. Li Santil Hu naxye naq tooruuq xyeebʼal re chixjunil li wank saʼ qachʼool, joʼkan naq naxye: «Tehomaq leechʼool chiru» (Salmo 62:9, Li Santil Hu, Sociedad Bíblica de Guatemala).

Li naru naqatzʼaama saʼ li qatij

• Qapaabʼal chirix li Yos (Lucas 17:5).

• Li santil musiqʼej aʼ li xmetzʼew li Yos li nokooxtenqʼa chi xbʼaanunkil li us (Lucas 11:13).

• Xkawubʼ qachʼool re xnumsinkil ebʼ li qachʼaʼajkilal ut ebʼ li aaleek (Filipenses 4:13).

• Xtuqtuukilal qakʼaʼuxl ut qachʼool (Filipenses 4:6, 7).

• Naq chiwanq qanaʼlebʼ re xkʼoxlankil li tqabʼaanu (Santiago 1:5).

• Li qatenqʼankil re naq wanq qawa wulaj wulaj (Mateo 6:11).

• Naq tkuymanq li qamaak (Mateo 6:12).