Li xyaalal

b XNIMAL RU NAʼLEBʼ: Naqakʼabʼaʼi xnaʼlebʼ li maaʼus aj musiqʼej jalan jalanq li naʼlebʼ malaj bʼaanuhom li chalenaq rikʼinebʼ. Saʼ xyanq aʼin natawmank li naʼlebʼ li naxye naq wank nakanaak chi yoʼyo naq nakamk junaq kristiʼaan ut naq aʼin naʼaatinak rikʼin li yoʼyokebʼ saʼ xkʼabʼaʼ jun aj tuul. Saʼ xyanq li xnaʼlebʼ li maaʼus aj musiqʼej wank li tuulak ut li qʼehink. Naq nokooʼaatinak chirix li tuulak saʼ li tzolom aʼin, yooko chi aatinak chirix chixjunil li chalenaq saʼ xnaʼlebʼebʼ li maaʼus aj musiqʼej, joʼ kʼehok rahilal ut roksinkil aatin re tenqʼank malaj maajewank. Arin moko yooko ta chi aatinak chirixebʼ li kristiʼaan li jwal seebʼ li ruqʼ re xbʼaanunkil jalan jalanq li naʼlebʼ yal re rajsinkil ruhebʼ li junchʼol.