Li xyaalal

a Maare qabʼihom junaq li hermaan li naabʼal chihabʼ rokik chi kʼanjelak chiru li Jehobʼa xyeebʼal: «Maajunwa xinkʼoxla naq tbʼayq chaq li rosoʼjik». Chiqajunilo naqaj raj naq li Jehobʼa ak xkʼam chaq li rosoʼjik li xmaaʼusilal li ruuchichʼochʼ aʼin, qʼaxal chik anaqwan naq li kutan jwal chʼaʼaj xnumsinkil. Abʼan tento naq wanq qakuyum. Saʼ li tzolom aʼin tqatzʼil rix naabʼal li naʼlebʼ li naxkʼe li Santil Hu li tooxtenqʼa re naq wanq qakuyum. Tooʼaatinaq ajwiʼ chirix wiibʼ li naʼlebʼ bʼarwiʼ t-ajmanq naq tqoybʼeni naq li Jehobʼa t-okenq. Chirix chik aʼan, tqil ajwiʼ li osobʼtesihom li teʼxkʼul li wankebʼ xkuyum.