BʼICH 54
«Aʼan aʼin li bʼe»
(Isaias 30:20, 21)
1. Wank jun li bʼe
li nakʼehok tuqtuukilal,
li najter bʼe aʼin
naxkʼam chaq usilal.
Xaataw naq xaawabʼi
xyaabʼ xkux li Alalbʼej.
Saʼ li Raatin li Yos Jehobʼa
xaataw li bʼe!
(XYEEBʼAL WIʼ CHIK)
Aʼin li bʼe, aʼin li tzʼaqal bʼe!
Maawil chaawix, tzʼaqal chaawu tatbʼeeq.
Li Yos naxye qe: «Aʼin li bʼe!».
Matjalbʼenink, aʼan aʼin li bʼe!
2. Wank jun li bʼe
li nakʼamok saʼ li rahok.
Li Yos naxkʼut chaawu
re naq taataw xrahom.
Rikʼin li Yos
nachalk naabʼal li usilal.
Saʼ chaabʼil bʼe
wankat, maawil saʼ laasutam.
(XYEEBʼAL WIʼ CHIK)
Aʼin li bʼe, aʼin li tzʼaqal bʼe!
Maawil chaawix, tzʼaqal chaawu tatbʼeeq.
Li Yos naxye qe: «Aʼin li bʼe!».
Matjalbʼenink, aʼan aʼin li bʼe!
3. Wank jun li bʼe
li nakʼamok saʼ li yuʼam,
maakʼaʼ junaq chik bʼe
jwal us chiru aʼan.
Li xbʼe li Yos
tixkʼe aawe tuqtuukilal,
ut xbʼaan xrahom
taawil li junelik yuʼam!
(XYEEBʼAL WIʼ CHIK)
Aʼin li bʼe, aʼin li tzʼaqal bʼe!
Maawil chaawix, tzʼaqal chaawu tatbʼeeq.
Li Yos naxye qe: «Aʼin li bʼe!».
Matjalbʼenink, aʼan aʼin li bʼe!
(Chaawil ajwiʼ Sal. 32:8; 139:24; Prov. 6:23).