BʼICH 96
Li raatin li Yos aʼan li qabʼihomal
(Proverbios 2:1)
1. Wank jun li hu kʼajoʼ xnimal xwankil li
naxtenqʼahebʼ naabʼal li poyanam.
Li wank chisaʼ naxkʼe qoybʼenihom ut
joʼkan ajwiʼ naxkʼe tuqtuukilal.
Li hu aʼin nawbʼil ru anaqwan joʼ
li Santil Hu, raatin li Yos Jehobʼa.
Xeʼekʼasiik li winq li xeʼxtzʼiibʼa chaq
xbʼaan li xsantil musiqʼ li Qayuwaʼ.
2. Li Santil Hu naxye naq li Jehobʼa Yos
kiyobʼtesink chaq re li choxachʼochʼ.
Saʼ xtiklajik chaabʼil chaq chixjunil ut
maakʼaʼ li maak arin saʼ ruuchichʼochʼ.
Abʼan moqon naxye naq jun li ánjel
kimaaʼusoʼk ut xqʼet raatin li Yos.
Li maak ut kamk aʼan li xqechani chaq,
abʼan chi seebʼ li Qayuwaʼ tooxkol.
3. Li Jesukriist aʼan li Awabʼej li
xaqabʼanbʼil chik xbʼaan li Yos Jehobʼa.
Chi sa qachʼool yooko chi puktesink ut
xwotzbʼal resil li Xʼawabʼejilal.
Li Santil Hu naxkʼe qoybʼenihom ut
naxwaklesi qachʼool ut qapaabʼal.
Qilaq rajlal chisaʼ li Santil Hu ut
chʼolchʼo naq wanq li qatuqtuukilal.
(Chaawil ajwiʼ 2 Tim. 3:16; 2 Ped. 1:21).