-
Patzʼom 13: Kʼaru naxye li Santil Hu chirix li kʼanjel?Li tooruuq xtzolbʼal saʼ li Raatin li Yos
-
-
PATZʼOM 13
Kʼaru naxye li Santil Hu chirix li kʼanjel?
«Li naxkʼe xchʼool saʼ li xkʼanjel, taakʼanjelaq chiruhebʼ awabʼej ut inkʼaʼ chiruhebʼ yalaq anihebʼ.»
(Proverbios 22:29)
«Li xʼelqʼak, miʼelqʼak chik, chixyalaq bʼan xqʼe chi kʼanjelak saʼ tiikilal rikʼin ruqʼ, re naq twanq kʼaru tixwotz rikʼin li wank saʼ rajbʼal ru.»
«Qamaatan xbʼaan li Yos naq nokoowaʼak ut nokooʼukʼak ut naqayal xsahil li kʼaru naqakʼanjela.»
(Eclesiastes 3:13, Wy)
-
-
Patzʼom 14: Chanru roksinkil chiʼus li tumin?Li tooruuq xtzolbʼal saʼ li Raatin li Yos
-
-
PATZʼOM 14
Chanru roksinkil chiʼus li tumin?
«Li naxik xchʼool chirix li joʼmaajoʼil naʼlebʼ, taanebʼaʼoʼq; li nawulak chiru li bʼiin ut li sununkil bʼan, maajoqʼe taabʼihomoʼq.»
(Proverbios 21:17)
«Li wank xtoʼ tumin nakanaak choʼq xmoos li nakʼehok tumin chi toʼ.»
(Proverbios 22:7)
«Wi junaq eere taaraj xyiibʼankil junaq kabʼl najt xteram, ma inkʼaʼ tabʼiʼ tixkʼojobʼ ribʼ xbʼenwa chi xbʼirbʼal rix joʼnimal tixsach: ma tzʼaqal li xtumin re xchoybʼal li kabʼl? Mare anchal kaʼajwiʼ tixkʼe li rubʼelankil, ut inkʼaʼ taaruhanq chi xchoybʼal. Joʼkan naq chixjunilebʼ li teʼiloq re teʼxtikibʼ xseʼenkil: “Li winq aʼin xtikibʼ kabʼlak ut inkʼaʼ xru chi xchoybʼal”.»
«Naq keʼkʼojlaak xchʼool, kixye rehebʼ li xtzolom: —Xokomaq li relaʼ li wa, re naq maakʼaʼ taatzʼeqmanq.»
-
-
Patzʼom 15: Chanru tqataw li sahil chʼoolejil?Li tooruuq xtzolbʼal saʼ li Raatin li Yos
-
-
PATZʼOM 15
Chanru tqataw li sahil chʼoolejil?
«Qʼaxal us li tiwok ichaj rikʼin sahil chʼoolej chiru xtzekankil xtibʼel wakax rikʼin xikʼil uuchink.»
(Proverbios 15:17)
«Laaʼin li Qaawaʼ [Jehobʼa], laaYos; laaʼin ninkʼut chawu li kʼaru us choʼq aawe ut nakatinbʼeres saʼ li bʼe tento taakʼam.»
(Isaias 48:17)
«Aʼut li Jesus kichaqʼok ut kixye: —Tzʼiibʼanbʼil saʼ li Santil Hu naq moko kaʼaj ta wiʼ rikʼin wa yoʼyooq li winq, rikʼin aj bʼan wiʼ chixjunil li aatin naʼelk chi xtzʼuumal re li Yos.»
«Taara laawas aawiitzʼin joʼ naq nakara aawibʼ laaʼat.»
«Joʼ chanru teeraj teʼxbʼaanu eere ebʼ li poyanam, joʼkan ajwiʼ chebʼaanuhaq laaʼex rehebʼ aʼan.»
«Us [...] xaq rehebʼ li nekeʼabʼink re li raatin li Yos ut nekeʼxkʼuula saʼ xchʼoolebʼ.»
«Us ta numtajenaq li xbʼihomal junaq winq, moko taakʼeheʼq ta xyuʼam xbʼaan li xjunkabʼlal.»
«Wi wank qatzekemq ut qabʼaatal, kʼojkʼooq qachʼool rikʼin aʼan.»
«Qʼaxal nim li sahil chʼoolejil wank saʼ li kʼehok chiru li wank saʼ li kʼuluk.»
-
-
Patzʼom 16: Kʼaru tqabʼaanu naq nimaq ru li qakʼaʼuxl?Li tooruuq xtzolbʼal saʼ li Raatin li Yos
-
-
PATZʼOM 16
Kʼaru tqabʼaanu naq nimaq ru li qakʼaʼuxl?
«Chaqʼaxtesi saʼ ruqʼ li Qaawaʼ li kʼaʼux wiʼ laachʼool, ut aʼan taakuutunq aawe; maajoqʼe tixkanabʼ li tiik xchʼool chi osoʼk chi junajwa.»
(Salmo 55:23 [55:22, Wy])
«Li kʼaru kʼoxlanbʼil rix chi chaabʼil, qʼaxal us naʼelk; aʼut li naʼuxmank saʼ junpaat, taajukʼeʼq chi junwaakaj.»
(Proverbios 21:5)
«Matxiwak, xbʼaan naq wankin aawikʼin; matkʼoxlak xbʼaan naq laaʼin laaYos. Laaʼin ninkawubʼresink ut nintenqʼank aawe, kaw nakatinchap rikʼin li wuqʼ li jwal kaw ribʼ.»
(Isaias 41:10)
«Ani eere laaʼex taaruhanq chi xtiqbʼal wiibʼaq kʼutubʼ li xteram, us ta naxik xchʼool chi xkʼoxlankil?»
«Mixik bʼiʼ eechʼool chi kʼoxlak chirix li kutan wulaj, xbʼaan naq li kutan wulaj taawanq ajwiʼ xkʼoxlankil rix.»
«Kʼehomaq reetal chi us chanru leeyuʼam: inkʼaʼ joʼkaqex li maakʼaʼebʼ xnaʼlebʼ, joʼkaqex bʼan li wankebʼ xnaʼlebʼ. Meekolebʼ li kutan aʼin.»
«Maakʼaʼ kʼaʼaq re ru chiʼok wiʼ eekʼaʼuxl, junelik bʼan cheqʼaxtesi saʼ roq ruqʼ li Yos leepatzʼom rikʼin tijok ut tzʼaamank, joʼwiʼ rikʼin yoxink. Ut li tuqtuukil usilal li nachalk rikʼin li Yos ut naxqʼax ru chixjunil li naʼlebʼ, tixkʼuula leechʼool ut leekʼaʼuxl rikʼin li Kriist Jesus.»
-
-
Patzʼom 17: Chanru tixtaw li sahil chʼoolejil li qajunkabʼal?Li tooruuq xtzolbʼal saʼ li Raatin li Yos
-
-
PATZʼOM 17
Chanru tixtaw li sahil chʼoolejil li qajunkabʼal?
EBʼ LI BʼEELOMEJ/EBʼ LI YUWAʼBʼEJ
«Ebʼ li winq tento teʼxra li rixaqil, kamaʼ naq nekeʼxra li xtzʼejwalebʼ. Ani naxra li rixaqil naxra ajwiʼ ribʼ. Maajun wa junaq xikʼ kiril li xtzʼejwal, naxchʼoolani bʼan ut naxra [...]. Li junjunq saʼ eeyanq chixra li rixaqil joʼ naq naxra ribʼ.»
«Ex yuwaʼbʼej, meeyoobʼ xjosqʼil ebʼ leeralal eekʼajol, chekʼiiresihebʼ bʼan rikʼin xtzolbʼalebʼ ut xtijbʼalebʼ joʼ naraj li Qaawaʼ.»
EBʼ LI IXAQILBʼEJ
«Li ixaqilbʼej chiroxloqʼi li xbʼeelom.»
«Ex ixaqilbʼej, chepaabʼ leebʼeelom joʼ xkʼulubʼ saʼ xkʼabʼaʼ li Qaawaʼ.»
EBʼ LI KOKʼAL
«Ex alalbʼej, chepaabʼ leenaʼ leeyuwaʼ saʼ xkʼabʼaʼ li Qaawaʼ xbʼaan naq aʼan eekʼulubʼ xbʼaanunkil. Li xbʼeen chaqʼrabʼ, xchapom ribʼ rikʼin li xyeechiʼom li Yos, aʼan aʼin: “Chawoxloqʼi laanaʼ laayuwaʼ re naq sa tatwanq ut taanajtoʼq roq laayuʼam saʼ ruuchichʼochʼ”.»
«Ex alalbʼej, chexʼabʼinq chiru leenaʼ leeyuwaʼ rikʼin chixjunil, xbʼaan naq aʼan li nawulak chiru li Qaawaʼ.»
-