Ma tatruuq xchʼolobʼankil kʼaʼut nakaapaabʼ naq wank li Yos?

Wi junaq li poyanam tixye aawe kʼaʼut nakaapaabʼ naq wank li Yos, kʼaru raj taaye? Re naq chʼolchʼooq chaawu li taasume, tento taabʼaanu wiibʼ li naʼlebʼ. Xbʼeenwa, chʼolchʼooq chaawu naq wank jun laj yobʼtesinel (Ro 12:1, 2). Moqon, tento taakʼoxla chanru taachʼolobʼ li nakaapaabʼ (Pr 15:28).

RE XNAWBʼAL KʼAʼUT CHʼOLCHʼO CHIRUHEBʼ WIIBʼ OXIBʼ LI POYANAM NAQ WANK JUN AJ YOBʼTESINEL, CHAAWIL EBʼ LI BʼIDEO JUN LAJ BʼANONEL CHIRIX LI BʼAQEL NAXCHʼOLOBʼ KʼAʼUT NAXPAABʼ NAQ WANK LI YOS UT JUN LI WINQ LI NAXTZʼIL RIX LI XYUʼAMEBʼ LI XUL NAXCHʼOLOBʼ KʼAʼUT NAXPAABʼ NAQ WANK LI YOS. MOQON TAASUME EBʼ LI PATZʼOM AʼIN:

• 

  Kʼaʼut naq li xʼIrene Hof Laurenceau naxpaabʼ naq wank ani kiyobʼtesink re chixjunil ut inkʼaʼ yal keʼyoʼlaak xjunes?

• 

  Kʼaʼut naq laj Yaroslav Dovhanych naxpaabʼ naq wank ani kiyobʼtesink re chixjunil ut inkʼaʼ yal keʼyoʼlaak xjunes?

• Chan raj ru taachʼolobʼ chiru junaq li poyanam kʼaʼut nakaapaabʼ naq wank ani kiyobʼtesink re chixjunil?

• Kʼaru li tasal hu li naxkʼe li xmolam li Jehobʼa truuq aatenqʼankil re naq chʼolchʼooq chaawu naq wank ani kiyobʼtesink qe ut taachʼolobʼ re jalan chik?