Oksi ebʼ li patzʼom

Mateo 16:13-16

WIIBʼ OXIBʼ LI AATIN: Inkʼaʼ taatochʼebʼ xchʼool naq taabʼaanu ebʼ li patzʼom re naq ebʼ li qas qiitzʼin teʼraj rabʼinkil ut teʼxkʼe xchʼool chirix, re naq tatnaʼlebʼaq rikʼinebʼ ut re xkʼutbʼal li xnimal ru naʼlebʼ.

CHANRU XBʼAANUNKIL

• Bʼaanu naq teʼraj rabʼinkil ut teʼxkʼe xchʼool chirix. Taaye ebʼ li patzʼom li tixbʼaanu naq teʼraj xnawbʼal chirix aʼin ut re naq teʼxkʼoxla li xsumenkil.

• Naʼlebʼan rikʼinebʼ. Oksi jalan jalanq li patzʼom re xtenqʼankilebʼ chi naʼlebʼak re naq teʼxtaw ru chiʼus li yookat xkʼutbʼal.

• Kʼe xwankil ebʼ li xnimal ru naʼlebʼ. Naq ok aawe chi xkʼutbʼal junaq li xnimal ru naʼlebʼ, bʼaanu xbʼeenwa junaq li patzʼom re naq teʼraj rabʼinkil. Oksi ebʼ li patzʼom re xjultikankil li xtzolmank naq ak xaatzʼil rix junaq li xnimal ru naʼlebʼ malaj naq ok aawe xraqbʼal laakʼanjel.