TZOLOM 12

Aatinan sa’ tuulanil ut taw ru li nekeʼrekʼa

1 Tesalonicenses 2:7, 8

WIIBʼ OXIBʼ LI AATIN: Ye li wank saʼ laachʼool ut kʼutbʼesi naq nakaakʼoxla ebʼ li junchʼol.

Kʼoxla ebʼ li junchʼol. Re naq tatruuq rekʼankil li nekeʼxkʼul, kʼoxla ebʼ li xchʼaʼajkilal ut yal xkʼoxlankil chanru nekeʼrekʼa ribʼ.
Sikʼ chiʼus ebʼ li aatin li taawoksi. Yal xwaklesinkil, xkʼojobʼankil ut xkawresinkil xchʼool li yookebʼ chaawabʼinkil. Maawoksi ebʼ li aatin li tixtochʼ xchʼoolebʼ ut maakʼut rikʼin laawaatin naq inkʼaʼ nakaakʼulubʼa ebʼ li inkʼaʼ nekeʼxloqʼoni li Jehobʼa chi moko li nekeʼxpaabʼ.
Kʼut naq nakaakʼe aachʼool chirixebʼ. Tatruuq xbʼaanunkil aʼin wi chaabʼil xyaabʼ laakux ut wi us nakaawekʼasi laawu malaj laawuqʼ. Kʼoxla ajwiʼ li yookat chi xyeebʼal rikʼin laawu; naru tatseʼeq.

Maajal xyaabʼ laakux re naq sa t-abʼimanq. Naq taayaabʼasi junaq li raqal, kʼutbʼesi li xeʼrekʼa chaq, abʼan weent taabʼaanu re naq inkʼaʼ teʼxnima aawu. Re naq sa t-abimanq li xyaabʼ laakux yal xkelonkil li xyaabʼ li aatin a, e, i, o, u. Wi nakaakʼe xwankil ebʼ li junchʼol chik chi tzʼiibʼ, inkʼaʼ sa t-abʼimanq ut inkʼaʼ twulaq saʼ xchʼoolebʼ.