TZOLOM 15

Chʼolchʼooq chaawu li taaye

1 Tesalonicenses 1:5

WIIBʼ OXIBʼ LI AATIN: Kʼut naq chʼolchʼo chaawu li yookat xyeebʼal ut naq wank xwankil li naʼlebʼ choʼq rehebʼ li yookebʼ chaawabʼinkil.

Kawresi aawibʼ chiʼus. Tzol chixjunil toj reetal taataw ru chiʼus li xnimal ru naʼlebʼ ut chanru li Santil Hu naxkʼut aʼin. Naq taachʼolobʼ li naʼlebʼ, taaye rikʼin wiibʼ oxibʼ li aatin ut inkʼaʼ chʼaʼajkaq xtawbʼal ru. Kʼoxla chanru li naʼlebʼ aʼin tixtenqʼa li yookebʼ chaawabʼinkil. Tzʼaama re li Jehobʼa naq tixkʼe aawe li xsantil musiqʼej.

Naq taatzol aawibʼ ye saʼ kawil kuxej re naq tkanaaq saʼ laachʼool ebʼ li naʼlebʼ ut re naq chaabʼil wiʼ chik taabʼaanu.
Oksi ebʼ li aatin li tixkʼut naq chʼolchʼo chaawu li nakaaye. Inkʼaʼ raj taaye joʼ chanru wank chi tzʼiibʼanbʼil, ye bʼan rikʼin laawaatin. Oksi ebʼ li aatin li tixkʼutbʼesi naq chʼolchʼo chaawu li yookat xyeebʼal.
Aatinan chi anchal aachʼool ut ye li yaal. Taqsi xyaabʼ laakux re naq teʼrabʼi li nakaaye. Wi inkʼaʼ taatochʼebʼ xchʼool, taawil ruhebʼ li junjunq chi poyanam.

Jultikaq aawe naq moko juntaqʼeet ta xkʼutbʼal naq chʼolchʼo chaawu junaq li naʼlebʼ rikʼin xyeebʼal saʼ josqʼil, saʼ qʼetqʼetil malaj xyeebʼal naq tento teʼxbʼaanu. Chʼolchʼooq chaawu li taaye, abʼan bʼaanu rikʼin rahok.