BʼICH 58
Tinsikʼebʼ li nekeʼxra li tuqtuukilal
1. Li Jesukriist kixpuktesi li yaal
saʼ saqʼehil, saʼ habʼalqʼe,
kixbʼeni ebʼ li kʼalebʼaal.
Kixtawasi ribʼ chi anchal li xchʼool
chi xsikʼbʼalebʼ li teʼraj wank
choʼq ramiiw li Yos.
Chirekabʼlal, chire li bʼe,
laaʼin ajwiʼ tinyal inqʼe
re xtawbʼalebʼ ramiiw li tuqtuukilal!
(XYEEBʼAL WIʼ CHIK)
Twaj xsikʼbʼalebʼ
li nekeʼraj li kolbʼa ibʼ ut
tuqtuukilal;
tinyal inqʼe chi xtawbʼalebʼ chaq
toj saʼ xmaril
li ruuchichʼochʼ!
2. Ebʼ li kutan junpaat nekeʼnumeʼk;
jwal wank xwankil li puktesink,
toj wank naabʼal li teʼkoleʼq.
Aʼ li rahok li nikinrekʼasi
chi xtenqʼankil ut xsikʼbʼal wiʼ
chik li qas qiitzʼin.
Rajlal tinkʼe wibʼ chi xsikʼbʼal
saʼ tenamit, saʼ kʼalebʼaal,
li nekeʼxra li tuqtuukil usilal!
(XYEEBʼAL WIʼ CHIK)
Twaj xsikʼbʼalebʼ
li nekeʼraj li kolbʼa ibʼ ut
tuqtuukilal;
tinyal inqʼe chi xtawbʼalebʼ chaq
toj saʼ xmaril
li ruuchichʼochʼ!
(Chaawil ajwiʼ Is. 52:7; Mat. 28:19, 20; Luc. 8:1; Rom. 10:10).