Oksi chiʼus li xyaabʼ laakux

Proverbios 8:4, 7, TNM

WIIBʼ OXIBʼ LI AATIN: Taqsi malaj kubʼsi xyaabʼ laakux, jal chanru t-abʼimanq ut ye saʼ junpaat malaj chi timil re naq taakʼut chiʼus ebʼ li naʼlebʼ ut re naq taawekʼasihebʼ xchʼool.

CHANRU XBʼAANUNKIL

• Taqsi malaj kubʼsi xyaabʼ laakux. Taqsi xyaabʼ laakux re xkʼutbʼal li naʼlebʼ li wank xwankil ut re xwaklesinkilebʼ xchʼool. Bʼaanu ajwiʼ aʼin naq taayaabʼasi junaq li raqbʼa aatin li naxkʼe li Yos. Kubʼsi xyaabʼ laakux wi taawaj xkʼutbʼal naq xiw xiw li yook chi kʼulmank malaj re naq teʼoq xkʼaʼuxl chirix aʼin malaj teʼraj xnawbʼal li tkʼulmanq.

• Jal chanru t-abʼimanq xyaabʼ laakux. Wi us naʼabʼimank saʼ laawaatinobʼaal, naru nakaataqsi bʼayaq xyaabʼ laakux re xkʼutbʼal naq sa saʼ laachʼool malaj naq tat-aatinaq chirix li xnimal ru junaq li naʼajej malaj li xnajtil. Naru taakubʼsi bʼayaq xyaabʼ laakux re xkʼutbʼal naq ra saʼ laachʼool malaj yook aakʼaʼuxl.

• Ye saʼ junpaat malaj chi timil. Naru tat-aatinaq saʼ junpaat wi taawaj xkʼutbʼal naq yookat chi aatinak chi anchal aachʼool. Wi taawaj xyeebʼal junaq li naʼlebʼ li wank xwankil, maaye saʼ junpaat.