BʼICH 126
Chooyoʼleq, kawaq qachʼool ut xaqxoqo
1. Chooyoʼleq, kawaq qachʼool ut
xaqxoqo saʼ li paabʼank.
Chixjunil tooruuq xqʼaxbʼal ru,
li Jehobʼa Yos tooxtenqʼa.
Seebʼaqo chi xpaabʼankil li Kriist
ut yoʼon wanqo chi puktesink.
(XYEEBʼAL WIʼ CHIK)
Chooyoʼleq, kawaq li qachʼool ut
xaqxoqo chi junelik!
2. Chooyoʼleq, kawaq qachʼool ut
xaqxoqo rikʼin li Yos.
Joʼaqo li Jesukriist ut
qapaabʼaq li xmoos tiik xchʼool.
Chi anchal qachʼool naqaj abʼink
chiruhebʼ ajwiʼ li cheekel winq.
(XYEEBʼAL WIʼ CHIK)
Chooyoʼleq, kawaq li qachʼool ut
xaqxoqo chi junelik!
3. Chooyoʼleq, kawaq qachʼool ut
xaqxoqo saʼ qakʼanjel.
Ebʼ li xikʼ nekeʼilok qe
maajoqʼe teʼxtzʼap xsaʼ qe.
Tqakʼe qachʼool chi puktesink
toj reetal tchalq li rosoʼjik.
(XYEEBʼAL WIʼ CHIK)
Chooyoʼleq, kawaq li qachʼool ut
xaqxoqo chi junelik!
(Chaawil ajwiʼ Mat. 24:13; Heb. 13:7, 17; 1 Ped. 5:8).