Chanru tqakawresi qibʼ re xnimankil li xkamik li Jesus?

Chalen saʼ li chihabʼ aʼin twanq naabʼal li qahoonal re xkawresinkil qibʼ re xnimankil li xkamik li Kriist. Wi li xnimankil li xkamik li Kriist tnaq saʼ xyanqil xamaan, inkʼaʼ chik tbʼaanumanq li chʼutam Qayuʼam ut Qakʼanjel ut, wi tnaq saʼ xraqik li xamaan, inkʼaʼ chik twanq li nimla seeraqʼ ut li Tzolok chirix li hu Laj Kʼaakʼalehom. Kʼaru tooruuq xbʼaanunkil re naq tqoksi chiʼus li hoonal aʼin? Joʼ kikʼulmank chaq saʼ xkutankilebʼ li Apostol, saʼebʼ li qakutan tento tkʼubʼamanq chiʼus li nimla kʼanjel aʼin (Lu 22:7-13; km 3/15 1). Abʼan, chiqajunilo tento tqakawresi li qachʼool. Chanru tooruuq xbʼaanunkil?

• Tqakʼoxla rix naq wank xwankil naq toowulaq saʼ li chʼutam aʼin (1Co 11:23-26).

• Tootijoq chiru li Jehobʼa ut tqatzʼil rix chanru wanko chiru (1Co 11:27-29; 2Co 13:5).

• Tqayaabʼasi ut tqakʼoxla rix li xraqal li Santil Hu li naxchʼolobʼ xyaalalil li xkamik li Jesus (Jn 3:16; 15:13).

Wankebʼ laj puktesinel nekeʼril ut nekeʼxkʼoxla rix li xraqal li Santil Hu li xaqabʼanbʼil re xjultikankil li xkamik li Jesus li wank saʼ li folleto Examinando las Escrituras diariamente. Wankebʼ ajwiʼ nekeʼril li xraqal li Santil Hu li wank saʼ li kaaxukuut aʼin. Ut wankebʼ chik nekeʼril junaq xtasalil li hu Laj Kʼaakʼalehom li naʼaatinak chirix li xnimankil li xkamik li Jesus ut li rahom li kixkʼutbʼesi li Jehobʼa ut li Jesus. Aʼ yaal bʼar wank li naʼlebʼ taawaj xtzʼilbʼal rix, aʼin tixbʼaanu naq tatjiloq chiʼus chixkʼatq li Jehobʼa ut li Ralal.