BʼICH 5
Sachbʼachʼoolej li xbʼaanuhom li Yos
(Salmo 139)
1. Jehobʼa laaʼat nikinaawil ut
chʼolchʼo chaawu li wank toj saʼ li waanm.
Maajiʼ naʼelk junaq aatin saʼ we, Yos
ut ak xaanaw li ninkʼoxla
ut nawekʼa.
Laaʼat xaakʼubʼ chaq linyuʼam, Yos
xaayiibʼ linchʼool ut linjunxaqalil,
saʼ xsaʼ linnaʼ wankin chaq naq xaawil wu.
Nasach inchʼool rilbʼal chanru xinyobʼtesiik.
Sachbʼachʼoolej laanimla bʼaanuhom, Yos!
Qʼaxal chʼaʼaj xtawbʼal ru laakʼaʼuxl.
Ma truuq tabʼiʼ tinxik chi najt chaawu, Yos?
Wankat chiwix, wankat ajwiʼ chiwu.
Wi tinsotobʼ wibʼ saʼ akʼabʼ ut
wi tinwulaq toj saʼ xbʼeenebʼ li tzuul,
wi saʼ xnaʼaj li kamenaq tinxik raj,
maakʼaʼ naxye, aran tinxchap
chaq laanim uqʼ.
(Chaawil ajwiʼ Sal. 66:3; 94:19; Jer. 17:10).