BʼICH 3
Nakaakʼojobʼ ut nakaakawubʼresi linchʼool
(Proverbios 14:26)
1. Nakaanaw chiʼus, at Inyuwaʼ
qʼaxal nakatinra.
Aawikʼin kʼojkʼo linchʼool ut
nawaj xwotzbʼal li yaal.
Abʼanan wank sut naq nawekʼa
naq kʼajoʼ li xmay linchʼool.
Li woybʼenihom nakʼos ut
chanchan naq t-osoʼq.
(XYEEBʼAL WIʼ CHIK)
Naq naʼok inkʼaʼuxl
ut nachalk linxiw
nakatkʼojobʼank re li waanm.
Aawikʼin ninxaqabʼ
li woybʼenihom.
Laaʼat linmetzʼew, at Jehobʼa.
2. Maajoqʼe tintzʼeq chirix linchʼool
chanru xinaatenqʼa.
Xinaawochbʼeni rajlal naq
xinwank saʼ rahilal.
Tik maakʼaʼ naru xmaqʼbʼal chiwu
linrahom chaawix, Jehobʼa.
Ut tinkʼanjelaq chaawu, Yos,
junqʼe junqʼe kutan.
(XYEEBʼAL WIʼ CHIK)
Naq naʼok inkʼaʼuxl
ut nachalk linxiw
nakatkʼojobʼank re li waanm.
Aawikʼin ninxaqabʼ
li woybʼenihom.
Laaʼat linmetzʼew, at Jehobʼa.
(Chaawil ajwiʼ Sal. 72:13, 14; Prov. 3:5, 6, 26; Jer. 17:7).