Kʼaru truuq xbʼaanunkil li Xnimajwal Awabʼejilal li Yos?
Li naxsume li Santil Hu
Li Xʼawabʼejilal li Yos tkanaaq saʼ xnaʼaj chixjunilebʼ li awabʼej ut t-awabʼejinq saʼ xbʼeen li Ruuchichʼochʼ (Daniel 2:44; Apocalipsis 16:14). Naq ak xtzʼaqlok ru, tkʼulmanq aʼin:
Li maaʼusebʼ xnaʼlebʼ teʼkamsiiq. «Li inkʼaʼ usebʼ xnaʼlebʼ isinbʼilaqebʼ saʼ li naʼajej [“Ruuchichʼoch”, La Biblia. Traducción del Nuevo Mundo, 2019 saʼ español] aʼin» (Proverbios 2:22, Li Santil Hu, Sociedad Bíblica de Guatemala, SBG).
Maajunwa chik twanq ebʼ li yalok u. «Li Qaawaʼ Dios, aʼan li naraqok re li pleet saʼ chixjunil li ruuchichʼochʼ» (Salmo 46:9, Li Santil Hu, Wycliffe Bible Translators, Wy. Akʼ tzʼiibʼ).
Wanq li sahilal ut maakʼaʼ chik tsebʼesinq. «Talajeʼkʼojlaaq chi xjunqalebʼ rubʼel xtoonal li uva ut rubʼel li xcheʼel li higo ut maaʼani chik tseʼbʼesinq rehebʼ» (Miqueas 4:4, Wy. Akʼ tzʼiibʼ).
Tchʼinaʼusoʼq chixjunil li Ruuchichʼochʼ. «Taasahoʼq wiʼ chik saʼ xchʼool li chaqichʼochʼ. Teʼatzʼumaq wiʼ chik li uutzʼuʼuj saʼ li chʼochʼ li maakʼaʼ naʼelk chiru» (Isaías 35:1, Wy. Akʼ tzʼiibʼ).
Twanq chik li qakʼanjel ut qʼaxal twulaq chiqu. «Li sikʼbʼilebʼ ru inbʼaan teʼxyal xsahil li xkʼanjelebʼ. Inkʼaʼ chik teʼxtawasi ribʼ chi kʼanjelak chi maakʼaʼ rajbʼal» (Isaías 65:21-23, SBG).
Maakʼaʼaq chik ebʼ li yajel. «Maaʼani chik tixye “yajin”» (Isaías 33:24, Wy. Akʼ tzʼiibʼ).
Maakʼaʼaq chik li tiixilal. «Taakawuuq wiʼ chik laajunxaqalil, joʼ chaq saʼ laasaajilal» (Job 33:25, SBG).
Ebʼ li kamenaq teʼwakliiq wiʼ chik chi yoʼyo. «Chixjunilebʼ li wanqebʼ saʼ muqlebʼaal kamenaq teʼrabʼi xyaabʼ xkux [li Jesús] ut teʼelq chaq» (Juan 5:28, 29, SBG).