TZOLOM 53
Qasahobʼresihaq xchʼool li Jehobʼa naq naqajsi qu
Li Jehobʼa aʼan «li Yos li sa saʼ xchʼool» (1 Timoteo 1:11, TNM). Aʼan naraj naq sahaq qachʼool ut tqayal xsahil li qayuʼam. Nawulak chiru naq nokookʼanjelak ut nokoohilank bʼayaq ut naq naqabʼaanu li nawulak chiqu. Saʼ li tzolom aʼin tqil chanru naru naqasahobʼresi xchʼool li Jehobʼa naq naqajsi qu ut naq naqoksi chiʼus li qahoonal.
1. Kʼaru tento tqakʼoxla naq tqasikʼ chanru rajsinkil qu?
Kʼaru nawulak chaawu xbʼaanunkil naq nakathilank? Wankebʼ nekeʼril junaq li hu, nekeʼrabʼi li bʼich, nekeʼril junaq li pelikula malaj roksinkil li Internet. Junchʼol chik nekeʼwulak chiru wank rikʼinebʼ li ramiiw, xik chi bʼeek, numxik malaj bʼatzʼunk. Maakʼaʼ naxye chanru naqajsi qu abʼan tento naq twulaq «chiru li Qaawaʼ» (Efesios 5:10). Aajel ru naq tqataw ru aʼin xbʼaan naq naabʼal li kristiʼaan nekeʼwulak chiru rajsinkil ru rikʼin li xikʼ naril li Jehobʼa joʼ li kamsink, li muxuk ibʼ ut li tuulak (yaabʼasi Salmo 11:5). Kʼaru ttenqʼanq qe chi xsikʼbʼal chiʼus kʼaru tqabʼaanu?
Wi ebʼ li qamiiw nekeʼxra li Jehobʼa tooʼeʼxtenqʼa chi xsikʼbʼal chiʼus chanru tqajsi qu. Joʼ xqatzol saʼ li tzolom 48 «li narochbʼeenihebʼ li chaabʼilebʼ xnaʼlebʼ, tixtaw xnaʼlebʼ». Abʼan li narochbʼeni li kristiʼaan li inkʼaʼ naxyuʼami li naxye li Jehobʼa «taasachq chi junwaakaj» (Proverbios 13:20).
2. Kʼaʼut aajel ru naq tqakʼe reetal jarubʼ li hoonal naqoksi re rajsinkil qu?
Usta chaabʼil li tqabʼaanu naq tqajsi qu tento naq weent tqabʼaanu re naq inkʼaʼ tqoksi naabʼal li hoonal. Wi joʼkan raj tqabʼaanu maakʼaʼaq chik qahoonal re xbʼaanunkil li aajel ru. Li Santil Hu naxkʼe qe li naʼlebʼ aʼin «meenumsi li kutan chi maakʼaʼ xyaalal» (yaabʼasi Efesios 5:15, 16).
QASIKʼAQ XCHAMAL LI NAʼLEBʼ
Qilaq kʼaru tatruuq xbʼaanunkil re naq tatnaʼlebʼaq chiʼus naq taawajsi aawu.
3. Tzʼeqtaana li moko us ta
Kʼaʼut tento tqasikʼ chanru tqajsi qu? Cheerilaq li BʼIDEO ut chexʼaatinaq chirix ebʼ li patzʼom aʼin:
Kʼaru xjuntaqʼeetalil li bʼatzʼunk li xeʼxbʼaanu chaq Roma rikʼin li nekeʼxbʼatzʼunle saʼebʼ li qakutan?
Kʼaru kixtzol laj Danny chirix li bʼatzʼunk saʼ Internet?
Cheeyaabʼasi Romanos 12:9 ut chexʼaatinaq chirix li patzʼom aʼin:
Chanru nokooxtenqʼa li raqal aʼin re xsikʼbʼal chiʼus chanru tqajsi qu?
Kʼaru ebʼ li naʼlebʼ xikʼ naril li Jehobʼa? Cheeyaabʼasi Proverbios 6:16, 17 ut Gálatas 5:19-21. Naq ak xeeyaabʼasi ebʼ li raqal chexʼaatinaq chirix li patzʼom aʼin:
Rikʼin li xqil saʼebʼ li raqal aʼin, bʼar wank rehebʼ li naʼlebʼ nekeʼxbʼaanu saʼebʼ li qakutan?
Chanru taawajsi aawu?
Kʼoxla aʼin:
Kʼaru tinbʼaanu? Ma wank li naʼlebʼ li xikʼ naril li Jehobʼa chisaʼ?
Joqʼe? Ma saʼ xhoonal naq tento tinbʼaanu junaq li kʼanjel li wank xwankil?
Ani aj ikʼin? Ma tinwanq rikʼinebʼ li inkʼaʼ nekeʼxra li Jehobʼa?
Re naq tqakol qibʼ tento naq inkʼaʼ tqakʼe qibʼ saʼ xiwxiwal. Joʼkan naq tento tqanajtobʼresi qibʼ chiru li ajsibʼaal u li naqakʼoxla naq tooxkʼe saʼ chʼaʼajkilal.
4. Oksi chiʼus laahoonal
Cheerilaq li BʼIDEO ut chexʼaatinaq chirix li patzʼom aʼin:
Usta moko maak ta li naxbʼaanu li hermaan aʼin, chanru naxtaw xchʼaʼajkilal naq naroksi li xhoonal naq nahilank?
Cheeyaabʼasi Filipenses 1:10 ut chexʼaatinaq chirix li patzʼom aʼin:
Chanru tooxtenqʼa li raqal aʼin re xnawbʼal jarubʼ li hoonal tqoksi re xbʼaanunkil li nawulak chiqu?
5. Sikʼ li chaabʼil ajsibʼaal u
Yaal naq li Jehobʼa moko naxkʼulubʼa ta chixjunil li ajsibʼaal u, abʼan wank naabʼal li naʼlebʼ re rajsinkil qu. Cheeyaabʼasi Eclesiastés 8:15 ut Filipenses 4:8 ut chexʼaatinaq chirix li patzʼom aʼin:
Kʼaru li chaabʼil ajsibʼaal u nawulak chaawu?
Naru naqasikʼ ebʼ li chaabʼil naʼlebʼ re rajsinkil qu.
WIIBʼ OXIBʼ NEKEʼXYE: «Moko maak ta naq tqajsi qu rikʼin li kamsink, li muxuk ibʼ malaj li qʼehink, li maak bʼan aʼan naq tqabʼaanu».
Kʼaru nakaakʼoxla?
LI AK XQATZOL
Li Jehobʼa naraj naq tqasikʼ li chaabʼil ajsibʼaal u ut naq sahaq saʼ qachʼool chi xbʼaanunkil.
Qajultikaq
Kʼaru ebʼ li ajsibʼaal u nekeʼxtzʼeqtaana ebʼ li tzʼaqal aj paabʼanel?
Kʼaʼut weent tqabʼaanu rikʼin li hoonal li naqanumsi re rajsinkil qu?
Kʼaʼut nakaawaj xsikʼbʼal ebʼ li ajsibʼaal u li nawulak chiru li Jehobʼa?
SIKʼ XKOMON LI NAʼLEBʼ
Tzol saʼ ani aj bʼeen tenebʼanbʼil xsikʼbʼal chanru trajsi ru.
Tzol xsikʼbʼal chiʼus chanru taawajsi aawu.
«Ma chaabʼil li naqajsi wiʼ qu?» (Laj Kʼaakʼalehom, 15 re octubre 2011)
Kʼaʼut jun li winq kixkanabʼ wiibʼ oxibʼ li ajsibʼaal u? Kʼe reetal aʼin saʼ li resil xyuʼam «Moko xikʼ ta chik nawil li saqebʼ xtibʼel».
«Li Santil Hu kixjalebʼ xyuʼam» (Laj Kʼaakʼalehom, 1 re febrero 2010)
Kʼe reetal chanru kinaʼlebʼak chiʼus jun li ixq chirix ebʼ li ajsibʼaal u li naxkʼam chaq li xnaʼlebʼ li maaʼus aj musiqʼej.
Tzʼeqtaana li ajsibʼaal chirix li qʼehink ut li tuulak (2:02)