RE TATRUUQ CHI TZOLOK Watchtower
Watchtower
RE TATRUUQ CHI TZOLOK
Q’eqchi’
ʼ
  • ʼ
  • SANTIL HU
  • EBʼ LI TASAL HU
  • EBʼ LI CHʼUTAM
  • km 9/15 perel 1
  • Tzol chiʼus li puktesink, saʼebʼ li kʼayibʼaal

Maakʼaʼ arin li bʼideo li nakaasikʼ.

Chaakuy qamaak, inkʼaʼ xchap li bʼideo.

  • Tzol chiʼus li puktesink, saʼebʼ li kʼayibʼaal
  • Li Qakʼanjel Chirix li Yos 2015
Li Qakʼanjel Chirix li Yos 2015
km 9/15 perel 1

Tzol chiʼus li puktesink, saʼebʼ li kʼayibʼaal

Kʼaʼut aajel ru xbʼaanunkil. Saʼ xkʼabʼaʼ naq naabʼalebʼ li qas qiitzʼin nekeʼkʼanjelak chiru naabʼal hoonal rajlal kutan, jwal us naq teʼrabʼi resil li Xʼawabʼejilal li Yos saʼebʼ li xkʼanjel. Wank rusilal puktesink saʼebʼ li kʼayibʼaal xbʼaan naq junelik naqatawebʼ li qas qiitzʼin, ut ebʼ laj kʼanjel nekeʼxkʼul chiʼus ebʼ li nekeʼwulak saʼebʼ li naʼaj aʼin. Re naq us t-elq li puktesink saʼebʼ li teep aʼin, ebʼ laj puktesinel tento teʼxkʼoxla chiʼus kʼaru teʼxye ut teʼxtiqibʼ ribʼ chiʼus joʼ tzʼaqal aj kʼanjel chiru li Yos (2 Cor. 6:3). Li cheekel winq li naxkʼubʼ li kʼanjel re puktesink tento tixtzʼil rix chiʼus rajlal jarubʼ sut napuktesimank li yaal saʼebʼ li kʼayibʼaal ut ani nabʼaanunk re.

Chanru xbʼaanunkil:

  • Rikʼin wiibʼ oxibʼ li aatin taakʼubʼ kʼaru taaye. Wi taachap naabʼal li hoonal re aatinak rikʼin junaq laj kʼanjel, maare saʼ junaq chik kutan inkʼaʼ chik traj aakʼulbʼal.

  • Naq taawulaʼani junaq li kʼayibʼaal, tatwulaq saʼ li hoonal bʼarwiʼ maakʼaʼaq naabʼal li kʼanjel, maare naq nekeʼxtikibʼ kʼanjelak.

  • Yaal aatinak xbʼeenwa rikʼin li nataqlank saʼ li kʼayibʼaal ut taawaatina saʼ tuulanil. Naru nakaaye: «Yooko rulaʼaninkil junpaataq ebʼ li qas qiitzʼin saʼebʼ li xkʼanjel xbʼaan naq moko chʼaʼaj ta xtawbʼalebʼ». Chiru wiibʼ oxibʼ kʼasal taakʼut chiru junaq li tratado, La Atalaya malaj junaq chik li hu. Us raj naq inkʼaʼ tat-aatinaq chirix li tenqʼ wi inkʼaʼ yook xpatzʼbʼal aawe bʼar nachalk xtuminal li qakʼanjel. Ut us xbʼaanunkil aʼin re naq inkʼaʼ tooʼeʼxjuntaqʼeeta rikʼinebʼ li nekeʼkʼayink.

  • Wi tuulan li nataqlank saʼ li kʼayibʼaal, patzʼ aaleseens re naq tixkʼe bʼayaq aahoonal re raatinankilebʼ li moos. Wankebʼ li naʼajej bʼarwiʼ tooruuq xpatzʼbʼal ma naru naqakanabʼ wiibʼ oxibʼ li tasal hu saʼ xnaʼajebʼ li ulaʼ.

  • Maachʼik aawibʼ chi aatinak ut oybʼeni naq tyamaaq ru. Wi laj kʼanjel yook chi aatinak rikʼin junaq li poyanam malaj laatzʼ ru, qoybʼenihaq naq yamyooq ru re naq tqaye aniho.

Yal xbʼaanunkil aʼin chiru jun po:

  • Naq tattzoloq saʼ junajil joʼ junkabʼal, tzol aawibʼ chanru tatpuktesinq saʼebʼ li kʼayibʼaal wi tattzʼaq aran saʼ junaq kutan.

    Ebʼ li tasal hu saʼ Qʼeqchiʼ (1993-2025)
    Elen
    Okan
    • Q’eqchi’
    • xwotzbʼal
    • Xyiibʼankil
    • Copyright © 2025 Watch Tower Bible and Tract Society of Pennsylvania
    • Chanru roksinkil li naʼaj aʼin
    • Moko naqakʼe ta chi naweʼk laakʼabʼaʼ
    • Sikʼ li taawaj xwotzbʼal
    • JW.ORG
    • Okan
    xwotzbʼal