Watchtower MIKANDA YA KE NA INTERNET

Watchtower MIKANDA YA KE NA INTERNET

MIKANDA YA KE NA INTERNET

Kikongo (Rép. dém. du congo)

Kulonga 15:7

Biblia—Mbalula ya Nsi-Ntoto ya Mpa
- 7 Kana mpangi na nge kukuma nsukami na mbanza mosi na kati ya bambanza ya insi yina Yehowa Nzambi na nge ke pesa nge, kukumisa ve ntima na nge ngolo mpi kuvanda ve diboko ngolo sambu na mpangi na nge ya nsukami.+

Nkunga 41:1

Biblia—Mbalula ya Nsi-Ntoto ya Mpa
- 41 Kiese na muntu yina ke tudilaka muntu ya kukonda mfunu dikebi;+
  Yehowa ta gulusa yandi na kilumbu ya mpasi.

Nkunga 112:5

Biblia—Mbalula ya Nsi-Ntoto ya Mpa
- 5 Mambu ke kwendilaka mbote sambu na muntu yina ke defisaka na luzolo yonso.*+
  
  י [Yod]
  
  Yandi ke twadisaka mambu na yandi ti lunungu.

Bingana 3:27

Biblia—Mbalula ya Nsi-Ntoto ya Mpa
- 27 Kubuya ve kusala mambu ya mbote na bantu yina nge fwete sadila yo*+
  Kana nge kele ti kiyeka* ya kusadisa.+

Bingana 19:17

Biblia—Mbalula ya Nsi-Ntoto ya Mpa
- 17 Muntu yina ke monisila muntu ya kukonda mfunu ntima ya mbote ke defisa Yehowa,+
  Mpi Nzambi ta futa yandi* sambu na mambu yina yandi ke sala.+

Marko 14:7

Biblia—Mbalula ya Nsi-Ntoto ya Mpa
- 7 Sambu beno ta vandaka ntangu yonso ti bansukami,+ mpi beno lenda sadila bo mambu ya mbote konso ntangu ya beno me zola, kansi beno ta vandaka ve ti mono ntangu yonso.+

Bisalu 11:29

Biblia—Mbalula ya Nsi-Ntoto ya Mpa
- 29 Yo yina, balongoki bakaka lukanu nde konso muntu kutinda lusadisu+ na bampangi yina vandaka kuzinga na Yudea na kutadila bima yina yandi lenda pesa;+

1 Timoteo 6:18

Biblia—Mbalula ya Nsi-Ntoto ya Mpa
- 18 Songa bo na kusala mambu ya mbote, na kuvanda bamvwama na bisalu ya mbote, na kukaba,* na kuvanda ya kuyilama sambu na kukabila bankaka,+

1 Yoane 3:17

Biblia—Mbalula ya Nsi-Ntoto ya Mpa
- 17 Kansi, kana muntu kele ti bima ya kinsuni ya nsi-ntoto yai, ebuna yandi me mona mpangi na yandi me konda bima kansi yandi ke buya kuwila yandi mawa, nki mutindu zola ya Nzambi kele na muntu yina?+