• Levi 25:35
    Biblia—Mbalula ya Nsi-Ntoto ya Mpa

    • 35 “‘Kana mpangi na nge yina ke zinga pene-pene na nge me kuma nsukami mpi kele diaka na mbongo ve, nge fwete sadisa yandi+ mutindu nge ke sadisaka munzenza mpi muntu yina me kwisaka kuzinga+ na insi na nge, sambu yandi landa kuzinga ti nge.

  • Kulonga 15:7, 8
    Biblia—Mbalula ya Nsi-Ntoto ya Mpa

    • 7 Kana mpangi na nge kukuma nsukami na mbanza mosi na kati ya bambanza ya insi yina Yehowa Nzambi na nge ke pesa nge, kukumisa ve ntima na nge ngolo mpi kuvanda ve diboko ngolo sambu na mpangi na nge ya nsukami.+ 8 Nge fwete kabila yandi mingi+ mpi kudefisa yandi* kibeni konso kima yina yandi kele na yo mfunu to yina yandi me konda.

  • Yeremia 34:8, 9
    Biblia—Mbalula ya Nsi-Ntoto ya Mpa

    • 8 Yai ndinga yina katukaka na Yehowa mpi kwisilaka Yeremia na nima ya ntangu yina ntotila Sidikiya salaka kuwakana ti bantu yonso na Yeruzalemi sambu na kuzabisa bo kimpwanza,+ 9 nde konso muntu fwete pesa kimpwanza na bampika na yandi ya Baebreo, bakala to nkento, sambu ata muntu mosi ve kuvanda diaka ti mpangi na yandi Muyuda bonso mpika na yandi.