Watchtower MIKANDA YA KE NA INTERNET

Kubasika 21:7

Biblia—Mbalula ya Nsi-Ntoto ya Mpa
- 7 “Kana muntu kuteka mwana na yandi ya nkento na kimpika, mwana yina ta katuka ve na kimpika mutindu mpika ya bakala ke katukaka.

Levi 25:39

Biblia—Mbalula ya Nsi-Ntoto ya Mpa
- 39 “‘Kana mpangi na nge yina ke zingaka pene-pene na nge me kuma nsukami mpi yo ke lomba nde yandi kuditeka na nge,+ nge fwete pusa yandi ve na kusala kisalu ya ngolo bonso mpika.+

2 Bantotila 4:1

Biblia—Mbalula ya Nsi-Ntoto ya Mpa
- 4 Ntangu yai, nkento ya mbikudi mosi yina vandaka na kati ya kimvuka ya bambikudi+ didilaka Elisha nde: “Nsadi na nge, bakala na mono, me fwaka, mpi nge me zaba mbote nde nsadi na nge vandaka kuwa Yehowa boma+ ntangu yonso. Kansi, muntu mosi ya beto kele ti mfuka na yandi me kwisa kubaka bana na mono zole sambu bo kuma bampika na yandi.”

Nehemia 5:8

Biblia—Mbalula ya Nsi-Ntoto ya Mpa
- 8 Mono tubilaka bo nde: “Na kutadila makuki na beto, beto me sumba diaka bampangi na beto Bayuda yina bo tekaka na makanda; kansi ntangu yai, keti beno ta teka bampangi na beno mosi,+ mpi keti bo fwete tekila beto bo diaka?” Bo vandaka pima, mpi bo monaka ve kima ya kutuba.