Nsangu ya Biblia

Ya Bo Me Niema na Papie

Yehowa Nzambi kele ti nswa ya kuyala. Mutindu na yandi ya kuyala kele ya kuluta mbote. Lukanu na yandi sambu na ntoto mpi bantu ta lungana.

Adami ti Eva na Kilanga ya Edeni ti nioka pene-pene na bo

Na nima ya 4026 N.T.B.

“Nioka” tulaka ntembe na nswa ya Yehowa ya kuyala mpi na mutindu na yandi ya kuyala. Yehowa silaka nde yandi ta basisa “mwana,” to “nkuna,” yina nsuka-nsuka ta fwa nioka, Satana. (Kuyantika 3:1-5, 15, noti) Kansi, Yehowa ke bikila bantu ntangu ya kudiyala na nsi ya bupusi ya nioka.

1943 N.T.B.

Yehowa zabisaka Abrahami nde “mwana” ya lusilu ta vanda mutekolo na yandi.—Kuyantika 22:18.

Na nima ya 1070 N.T.B.

Yehowa ndimisaka ntotila Davidi mpi mwana na yandi Salomo nde “mwana” ya lusilu ta basika na dibuta na bo.—2 Samuele 7:12, 16; 1 Bantotila 9:3-5; Yezaya 9:6, 7.

29 T.B.

Yehowa me monisa nde Yezu kele “mwana” ya lusilu yina ta baka kiti ya kimfumu ya Davidi.—Bagalatia 3:16; Luka 1:31-33; 3:21, 22.

33 T.B.

Nioka, disongidila Satana, me tatika “mwana” ya lusilu na mutindu yandi pusaka bantu na kufwa Yezu. Yehowa futumunaka Yezu sambu yandi kwenda kuzinga na zulu; yandi ndimaka mbalu ya luzingu ya kukuka ya Yezu, yina ta sadisa na kulolula masumu mpi kupesa bana ya Adami luzingu ya mvula na mvula.—Kuyantika 3:15; Bisalu 2:32-36; 1 Bakorinto 15:21, 22.

Nioka, Satana, bo me losa yandi na ntoto mutindu Biblia silaka na mukanda ya Kusonga

Pene-pene ya 1914 T.B.

Yezu me losa nioka, Satana, na ntoto; yandi me kanga yandi sambu na ntangu fioti.—Kusonga 12:7-9, 12.

Yezu ke yala ntoto katuka na kiti na yandi ya kimfumu ya kele na zulu mutindu Biblia silaka na mukanda ya Kusonga

Na Makwisa

Yezu me kanga Satana na boloko bamvula 1000 mpi na nima yandi me fwa yandi, na mutindu ya kifwani yandi me niata ntu ya Satana. Lukanu ya Yehowa ya ntete-ntete sambu na ntoto mpi bantu ta lungana, yandi ta santisa zina na yandi, mpi ta monisa nde mutindu na yandi ya kuyala kele ya kuluta mbote.—Kusonga 20:1-3, 10; 21:3, 4.