NGIUFULA 1
Nzambi kele nani?
“Bika bantu kuzaba nde nge, yina zina na nge kele Yehowa, nge mpamba kele Muntu ya Kuluta Zulu na ntoto ya mvimba.”
“Beno zaba nde Yehowa kele Nzambi. Yandi muntu salaka beto, mpi beto kele bantu na yandi.”
“Mono kele Yehowa. Yo yina zina na mono; mono ke pesaka ve nkembo na mono na muntu ya nkaka, mono ke pesaka mpi ve lukumu na mono na biteki.”
“Konso muntu yina ke binga zina ya Yehowa ta guluka.”
“Ya kieleka, konso nzo kele ti muntu yina ke tungaka yo, kansi Nzambi muntu tungaka bima yonso.”
“Beno tombula meso na beno na zulu mpi beno mona. Nani me salaka bima yai? Yo kele Muntu yina ke basisaka makesa na yo na kutadila ntalu na yo; yandi ke bingaka yo yonso na zina na yo. Sambu na ngolo na yandi ya mingi kibeni mpi na ngolo na yandi ya ke pesaka boma, ata mosi ve na kati na yo me konda.”