Mambu ya Luyantiku ya Ndinga ya Nzambi

Biblia kele ti nsangu to ndinga ya Nzambi sambu na beto bubu yai. Yo ke songaka beto mutindu ya kuzinga mbote mpi mambu ya beto fwete sala sambu Nzambi kundima beto. Yo ke pesaka mpi bamvutu na bangiufula yai:

1. Nzambi kele nani?
2. Inki mutindu nge lenda longuka mambu ya Nzambi?
3. Banani sonikaka Biblia?
4. Keti Biblia kele sikisiki na mambu ya siansi?
5. Inki kele nsangu ya Biblia?
6. Inki mambu Biblia tubaka na ntwala sambu na Mesia?
7. Inki mambu Biblia tubaka na ntwala sambu na bilumbu na beto?
8. Keti Nzambi muntu kele na kisina ya bampasi ya bantu?
9. Sambu na nki bantu ke monaka mpasi?
10. Inki mambu Biblia ke sila sambu na bilumbu ke kwisa?
11. Inki ke kuminaka muntu kana yandi me fwa?
12. Inki kivuvu beto lenda vanda ti yo sambu na bafwa?
13. Inki Biblia ke tubaka sambu na kisalu?
14. Inki mutindu nge lenda sadila bima na nge?
15. Inki mutindu nge lenda vanda na kiese?
16. Inki mutindu nge lenda nunga basusi?
17. Inki mutindu Biblia lenda sadisa dibuta na nge?
18. Inki mutindu nge lenda kwenda pene-pene na Nzambi?
19. Inki mambu kele na mikanda ya Biblia?
20. Inki mutindu nge lenda baka mambote mingi ntangu nge ke tanga Biblia?

MUTINDU YA KUZWA BAVERSE YA BIBLIA

Biblia kele kimvuka ya tu-mikanda 66. Bo me kabulaka yo na bitini zole: Masonuku ya Kiebreo mpi ya Kiarameye (“Kuwakana ya Ntama”) mpi Masonuku ya Kigreki (“Kuwakana ya Mpa”). Bo me kabulaka konso mukanda ya Biblia na bakapu mpi baverse. Kana bo me tubila verse mosi, ntalu ya ntete yina kele na nima ya zina ya mukanda yina kele kapu, mpi ntalu to bantalu yina me landa kele verse to baverse. Mu mbandu, Kuyantika 1:1 ke tendula mukanda ya Kuyantika kapu ya 1, verse ya 1.