Bantu Kesosa Bamvutu

“Na nima ya kusosa kuzaba ‘mutindu’ ya kulungisa bampusa na bo ti ya mabuta na bo, ya kukuma ti bima mingi ya kitoko bonso bima ya kubakila mupepe, ba apareyi mpi bavwatire ya kuluta ntalu, bantu kelanda kaka na kudiyula ‘sambu na nki’ bo kele na luzingu. Sambu na nki bantu kefwa nitu sambu na bima yai yonso? Inki bo kesosa?”​—David G. Myers, profesere na nzo-nkanda mosi ya Holland, na Michigan, États-Unis.

INKI mvutu nge lenda pesa na bangyufula yina profesere yai keyula? Bantu yankaka lenda kudiyula kana yo kele mfunu na kulutisa ntangu na kusosa bamvutu. Kansi, kukonda kutula dikebi na bangyufula ya mutindu yina kele bonso kukonda kutula dikebi na mwa ditadi ya mekota na sapatu na nge. Ata nge lenda landa na kutambula, nge tatambula ve mbote mpi nge tavanda ve na kyese.

Keti nge mekudiyulaka dezia kana luzingu kele ti lukanu? Zaba nde nge kele ve nge mosi. Nsosa mosi ya nene (Enquête sur les valeurs universelles) ya bo salaka sambu na kulonguka minsiku yina ketwadisaka luzingu ya bantu kutubaka nde, na bansi mingi ntalu ya bantu yina keyindula na “ntendula mpi lukanu ya luzingu” kekuma kaka mingi.

Kana nge kezola kuvanda na ngemba ya kyeleka ya mabanza, nge fwete sosa bamvutu na bangyufula tatu ya mfunu.

Beto mekatukaka na wapi?

Lukanu ya luzingu kele inki?

Inki mambu tasalama na bilumbu kekwisa?

Inki kisika nge lenda zwa bamvutu ya mbote na bangyufula yai ya mfunu? Na kisika ya kubaka bamvutu na bangindu ya bantu, balutiti yina kelanda tapesa bamvutu yina kele na Biblia, Ndinga ya Nzambi. Beto kelomba nge na kukangula Biblia na nge mpi kumona nge mosi mambu yina yo ketuba.