NIMERO YA KULONGUKAKA

Disolo yai ta ndimisa beto nde, Yehowa ke vandaka ntangu yonso ntotila mpi yo ta monisa mutindu yandi ke sadilaka luyalu na yandi na bigangwa na yandi ya kele na zulu mpi na ntoto. Diaka, yo ta siamisa beto na kulanda bambandu ya bantu ya ntama yina ponaka na kusambila Yehowa, Ntotila ya kukonda nsuka.

Disolo yai ta yedisa ntonda na beto sambu na mambu yina Kimfumu ya Mesia me sala na nsungi ya bamvula 100 yina yo me yala. Diaka, yo ta siamisa beto na kuvanda bansadi ya kwikama ya Kimfumu yina, mpi yo ta pusa beto na kuyindulula ntendula ya pwelele ya mukapu na beto ya mvula sambu na mvu 2014.

Inki mono ta sala na luzingu na mono? Yai kele ngiufula mosi ya mfunu sambu na bantu yonso yina me kudipesaka na Yehowa. Na masolo yai, beto ta tadila minsiku yina lenda sadisa baleke ya Bakristu na kusadila Nzambi na ntima ya mvimba, mpi mabaku yina Bakristu yina me kuma bambuta kele ti yo sambu na kudipesa mingi na kisalu ya kusamuna.

Bubu yai, bantu mingi ke kudiyangisa sambu na bampasi ya nsi-ntoto to ke sosa kaka kulungisa bampusa na bo mosi. Disolo yai ke tubila bikuma tatu yina ta sadisa Bakristu na kutula ntima nde, ntama mingi ve Kimfumu ya Nzambi ta tula nsuka na ngidika yai ya mbi.