NIMERO YA KULONGUKA

Yehowa me bakaka ngidika ya kutula Kimfumu ya Mesia yina ta lungisa lukanu na yandi sambu na ntoto mpi sambu na bantu. Ntangu beto ta longuka bangwakana yina Biblia ke tubilaka, ya ke tadila guvernema ya zulu, tula dikebi sambu na kubakisa kikuma yina ke pusa beto na kumonisa lukwikilu ya ngolo na mambu ya me tala Kimfumu.

Disolo yai ta tubila bambandu ya bantu yina me sadilaka Nzambi na ntangu ya ntama mpi na ntangu na beto. Yo ta yedisa ntonda na beto sambu na dibaku yina beto kele na yo ya kusala kumosi ti Nzambi, dibaku mosi yina beto fwete baka na mbalu.

Na bilumbu yai ya nsuka, mambu mingi ke mekaka lukwikilu na beto. Inki malongi beto lenda baka na mbandu ya bansadi ya kwikama, mu mbandu Abrahami mpi Moize yina kutanaka mpi ti bampasi ya mutindu mosi? Disolo yai ta sadisa beto na kukanga ntima sambu yo ta siamisa beto na kutula mabanza na beto kaka na Yehowa Nzambi mpi na Kimfumu na yandi.