Baluzayisu

◼ Mikanda ya kukabula na Mayi: Nzozulu ya Nkengi ti Réveillez-vous ! Beno tasala kikesa sambu na kuvutukila bantu ya mpa yina kumonisaka mpusa mpi kukwisaka na Lusungiminu ti na diskure ya sipesiali ya bantu yonso, kansi ya kevukanaka ve mbala na mbala ti dibundu. Lukanu ya bamvutukila yina fwete vanda ya kuyantika kulonguka Biblia ti bayina mendimaka ntete ve kulonguka. Yuni: Inki Biblia Kelongaka Mpenza? Beno sala kikesa sambu na kuyantika kulonguka Biblia ti bantu. Yuli ti Augusti: Beno lenda sadila konso kamukanda yina na kati ya tumikanda yai ya balutiti 32: Bampeve ya bafwa​—⁠Keti bau lenda sadisa nge to kusala nge imbi? Keti ya kyeleka bau kele?; Inki Kekuminaka Beto Kana Beto Mefwa?; Keti Beto Fwete Kwikila na Butatu Busantu?; Keti ya Kyeleka Nzambi Kekudibanzaka Sambu na Beto?; Le nom divin qui demeure à jamais; Ntangu Muntu ya Nge Kezolaka Mefwa; Nzila Yina Kenataka na Luzingu ya Mvula na Mvula​—⁠Keti Nge Mezwaka Yo?; “Tala, mono kesala bima yonso ya mpa”; mpi Zinga Mvula na Mvula na Kiese na Ntoto!

◼ Bansoba ya Lukutakanu ya Distrike ya mvu 2008: na kisika nde yo salama na Basankusu, lukutakanu ya bilumbu tatu ya Lingala tasalama na Boso Mbungeke na Augusti 8-10, 2008. Lukutakanu ya distrike ya bilumbu zole tasalama na Bosondjo na Augusti 30-31, 2008. Balukutakanu ya Distrike zole ya Swahili tasalama na Goma: Augusti 1-3, mpi Augusti 8-10. Bo mesonikila mabundu yina takwenda na lukutakanu ya Augusti 8-10 sambu na kuzabisa bo.

◼ Kana nkuluntu mosi tazola kuvukana na lukutakanu ya distrike yankaka yina bo mebinga ve dibundu na yandi, beto kelomba yandi na kusonikila beto na ntwala sambu na kuzabisa beto. Yo lenda salama nde beto lomba yandi na kusala disolo mosi na lukutakanu yina, mingimingi kana bantu ya kusala masolo kele fyoti. Kansi, yandi kele na mukumba ya kufuta mbongo ya nzyetelo na yandi ti badepanse yankaka yina yandi tavanda na yo mfunu.