Baluzayisu

◼ Mikanda ya kukabula na Marsi: Inki Biblia Kelongaka Mpenza? Bansamuni fwete yindula na kuyantika kulonguka Biblia ti bantu na kisika yina bo pesaka mukanda yai to kisika yina bawi kele dezia ti kopi ya mukanda yango na nzo. Aprili ti Mayi: Beto tapesa Nzozulu ya Nkengi ti Réveillez-vous ! Ntangu beno tavutukila bantu yina kumonisaka mpusa, ti bayina kukwisaka na Lusungiminu to na balukutakanu yankaka ya dibundu kansi ya kevukanaka ve mbala na mbala ti dibundu, beno sala ngolo sambu na kupesa bo mukanda Inki Biblia Kelongaka Mpenza? Lukanu fwete vanda ya kuyantika kulonguka Biblia ti bo.

◼ Kana banimero ya mpa ya Nzozulu ya Nkengi ti ya Réveillez-vous ! mekuma, mabundu fwete kabula yo mbala mosi na bansamuni. Kusala mutindu yai tasadisa bo na kutanga masolo yina ke na kati na ntwala ya kukabula bazulunalu yango na kisalu ya bilanga.

◼ Lusungiminu tasalama na Kizole, Marsi 30, 2010. Bankunga ya beto tasadilaka na Lusungiminu kele nimero 8 ti 109 na mukanda ya bankunga ya mpa. Kana dibundu na beno kesalaka balukutakanu na Kizole, beno fwete pona kilumbu yankaka ya mposo yina bo kesadilaka ve Nzo ya Kimfumu sambu na kusala yo. Kana mabundu mingi kevukanaka na Nzo ya Kimfumu mosi mpi mpila ya kupona kilumbu yankaka sambu na lukutakanu kele ve, beno lenda yambula kusala yo. Beno lenda kotisa masolo ya Lukutakanu ya Kisalu yina kele mfunu mingi sambu na dibundu na beno na Lukutakanu ya Kisalu yankaka.