Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Aprili 1

Tanga Kubasika 20:15. Mpi tuba: “Ntangu bantu mingi kesala ngolo na kulanda munsiku yai, bantu yankaka keyindula nde luzingu ya mpasi ya muntu to mambu ya yandi kekutana ti yo lenda pesa yandi nswa ya kuyiba mpi kusala mambu ya kukonda masonga. Inki kele dibanza na nge? [Bika muntu yango kupesa mvutu.] Disolo yai ketubila mambote yina kekatukaka na kuvanda masonga ntangu yonso.” Tubila disolo yina keyantika na lutiti 12.

Reveillez-vous ! Marsi

“Bantu mingi kezitisaka Biblia kansi bo keyindulaka nde mambu mingi yina yo ketubaka kele na mfunu mingi ve bubu yai. Inki nge keyindula? [Bika muntu yango kupesa mvutu. Na nima tanga Roma 15:4.] Disolo yai ketendula sambu na nki ata bitini ya ntama ya Biblia kele kaka mfunu.” Tubila disolo yina keyantika na lutiti 28.

Nzozulu ya Nkengi Aprili 1

“Ntangu bo kelombaka bantu na kupona muntu ya kele ti bupusi ya kuluta na disolo ya luzingu ya bantu, bantu mingi ketangaka zina ya Yezu. Keti nge mpi kepona yandi? [Bika muntu yango kupesa mvutu.] Tala sambu na nki beto fwete fimpa mbote-mbote bangindu ya kewakana ve yina bantu ketubaka sambu na yandi sambu na kuzaba kyeleka. [Tanga Yoane 17:3.] Nimero yai ya sipesiali ya Nzozulu ya Nkengi kemonisa mambu yina Biblia ketuba sambu na Yezu mpi malongi na yandi.”

Reveillez-vous ! Aprili

“Yo kemonana bonso nde beto kele ve ti ntangu ya kufwana sambu na kusala mambu yonso yina beto kezola kusala. Keti nge kendima dyambu yai? [Bika muntu yango kupesa mvutu.] Bantu mingi memonaka nde ndongisila yai kesadisaka mpenza. [Tanga Filipi 1:10.] Zulunalu yai kepesa mwa bangindu ya mfunu sambu na kusadisa beto na kusadila ntangu na beto mbote-mbote.”