Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Marsi 1

“Yo lenda vanda mpenza mpasi na kusala mambu ya mbote kana bantu kepusa beto na kusala mambu ya mbi. Nge keyindula nde nki lenda sadisa beto na kuyambula ve na kunwana? [Bika muntu yango kupesa mvutu. Na nima tanga Bingana 29:25.] Disolo yai ya mfunu ketubila bikuma tanu ya kepusa beto na kubanga kupesa Nzambi mawa na kisika ya kutina bantu boma.” Tubila disolo yina keyantika na lutiti 12.

Réveillez-vous! Marsi

“Beto yonso kezolaka kuvanda ti banduku ya mbote. Inki bikalulu ya mfunu nge kezolaka nde nduku kumonisa? [Bika muntu yango kupesa mvutu.] Tala ntendula yai ya Biblia kepesa. [Tanga Bingana 17:17.] Disolo yai kele ti bangindu ya kesadisa na kupona banduku ya mbote mpi ya kuvanda nduku ya mbote sambu na bankaka.” Tubila disolo yina keyantika na lutiti 18.

Nzozulu ya Nkengi Aprili 1

“Mono tazola kuzaba ngindu na nge na mambu yai ya Yezu kutubaka. [Tanga Yoane 3:⁠3.] Na ngindu na nge, kubutuka dyaka ketendula nki? [Bika muntu yango kupesa mvutu.] Kana beto bakisa mbote-mbote mambu ya Yezu kutubaka yo tavanda ti bupusi na luzingu na beto mpi kivuvu na beto sambu na makwisa. Zulunalu yai ketendula sambu na inki.”

Réveillez-vous! Aprili

“Yo kemonanaka nde baleke mingi yina kele na nzo-nkanda kekudiyangisaka mingi. Keti nge keyindula nde na bilumbu ya bibuti na bo mambu kuvandaka ve mutindu yai? [Bika muntu yango kupesa mvutu.] Kudiyangisa mingi mpenza lenda vanda ti malanda ya mbi. [Tanga Longi 7:7a, NW.] Zulunalu yai kemonisa mutindu bambuta lenda sadisa baleke na kunwana ti dyambu yai.”