Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Augusti 1

“Bantu mingi keyindulaka nde bantu yonso ya mbote takwenda na zulu. Keti nge mpi kekwikilaka mpidina? [Bika muntu yango kupesa mvutu.] Tala mambu yina verse yai ketuba sambu na ntoto. [Tanga Nkunga 37:​11, 29.] Disolo yai kemonisa mambu yina Yezu kulongaka na yina metala makwisa ya bantu awa na ntoto.” Tubila disolo yina keyantika na lutiti 22.

Réveillez-vous! Augusti

“Mambu fyoti na luzingu kepesaka beto mpasi mingi kuluta lufwa ya kibuti mosi. Keti nge kendima yo? [Bika muntu yango kupesa mvutu.] Bantu mingi mebakaka kikesa na baverse ya Biblia bonso yai. [Tanga Kusonga 21:⁠4.] Disolo yai ketendula mutindu ya kuyala mawi ya mingi yina bantu kevandaka na yo, mingi-mingi baleke.” Tubila disolo yina keyantika na lutiti 10.

Nzozulu ya Nkengi Septembri 1

“Bantu yankaka ketubaka nde kana nge kele ya kwikama na Nzambi, yandi tapesa nge bimvwama kansi kinsukami kemonisaka nde muntu mendimama ve na Nzambi. Inki nge keyindula? [Bika muntu yango kupesa mvutu.] Dyambu ya kebenda dikebi kele nde Yezu kuvandaka ve mvwama. [Tanga Luka 9:58.] Zulunalu yai ketubila balusakumunu yina bansadi ya Nzambi lenda vingila na kubaka.”

Réveillez-vous! Septembri

“Keti nge keyindula nde baleke kekutana na bampasi mingi bubu yai kuluta na bamvula yina meluta? [Bika muntu yango kupesa mvutu.] Bantu mingi keyindulaka nde verse yai ketubila na sikisiki mpenza ntangu na beto. [Tanga 2 Timoteo 3:⁠1.] Zulunalu yai ketubila mwa minsiku ya Biblia ya mefwana na kusadila yina lenda sadisa bibuti mpi baleke na kununga.”