Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Yuli 1

“Yo mekuminaka dezia bamingi na kati na beto na kuzaba ve mambu ya bo fwete zabisa nduku mosi ya kebela ngolo to ya kezola kufwa. Inki mutindu nge kemona ndongisila yai? [Tanga Yakobo 1:19. Na nima bika muntu yango kupesa mvutu.] Disolo yai kepesa bangindu mingi ya mefwana na kusadila ya mesimbama na minsiku ya Biblia.” Tubila disolo yina keyantika na lutiti 10.

Reveillez-vous! Yuli

“Keti bo fwete tumbika bankento bonso baministre? [Bika muntu yango kupesa mvutu.] Yai mambu ya Biblia ketuba na yina metala nkento mosi. [Tanga Roma 16:1.] Kansi, verse yankaka ketuba nde bankento fwete vanda pima na dibundu. Kana mpidina, inki kele dibanza ya Biblia? Disolo yai ketendula yo.” Tubila disolo ya kebanda na lutiti 28.

Nzozulu ya Nkengi Augusti 1

“Bantu mingi kele na boma nde mvita ya nikleyere to nsoba ya klima tabebisa ntoto to tafwa yo. Keti nge keyindula nde kilumbu kele yo tasalama? [Bika muntu yango kupesa mvutu.] Tala mambu yina Biblia ketuba sambu na dyambu yai. [Tanga Kusonga 11:18.] Zulunalu yai kepesa bamvutu na bangyufula iya ya bantu mingi keyulaka na yina metala nsuka ya nsi-ntoto.”

Reveillez-vous! Augusti

“Yo lenda vanda nde, Bambangi ya Yehowa mesolulaka dezia ti nge. Keti nge mekudiyulaka dezia sambu na nki beto kekwendaka nzo na nzo, mingimingi sambu bantu mingi ketulaka ve dikebi? [Bika muntu yango kupesa mvutu. Na nima tanga Matayo 24:14.] Beto kemonaka nde bantu mingi kevandaka ti mabanza ya mbi sambu na beto. Zulunalu yai ketendula Bambangi ya Yehowa kele banani.”