Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Yuni 1

“Bantu mingi kekwikilaka nde mabundu kele banzila ya kuswaswana ya kenataka na Nzambi. Inki kele dibanza na nge? [Bika muntu yango kupesa mvutu.] Tala mambu yina Biblia ketuba. [Tanga Yozue 24:15.] Disolo yai kepesa bikuma ya ngolo ya fwete pusa beto na kutadila kana dibundu na beto kenata beto na Nzambi ya kyeleka.” Tubila disolo yina keyantika na lutiti 12.

Réveillez-vous! Yuni

“Beto yonso mezaba bantu yina mefwaka. Keti nge keyindula nde beto fwete wa boma nde bankaka na kati na bo lenda wa makasi mpi kuzola kusala beto mbi? [Bika muntu yango kupesa mvutu. Na nima, tanga Longi 9:​5, 6.] Disolo yai tapesa nge kikesa.” Tubila disolo yina keyantika na lutiti 22.

Nzozulu ya Nkengi Yuli 1

“Bantu mingi yina kele ti Biblia kemonaka nde yo kele mpasi na kubakisa yo. Keti yo mekuminaka nge dezia? [Bika muntu yango kupesa mvutu.] Na kutadila mvese yai, Munkwa ya Biblia kezola nde beto bakisa mpi beto baka mambote ya Ndinga na yandi ya kusonika. [Tanga Nkunga 119:130.] Zulunalu yai kepesa bangindu tatu yina tasadisa beto na kubakisa Biblia.”

Réveillez-vous! Yuli

“Bubu yai bantu mingi kekudiyangisa na mabanza. Keti nge keyindula nde Nzambi kekudibanzaka mpenza sambu na bantu yina kenyokwama na mawi? [Bika muntu yango kupesa mvutu. Na nima, tanga Nkunga 34:19.] Zulunalu yai ketendula mutindu bantu yina kenyokwama na mabanza lenda baka lusadisu ya Nzambi, ata yo kelomba mpi nde bo baka nkisi ya munganga. Yo kepesa mpi bangindu ya kemonisa mambu ya beto lenda tuba sambu na kupesa bo kikesa.”