Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Aprili 1

“Masonama yankaka ketubaka nde Yezu kufwaka ve mutindu Biblia ketubaka kansi nde yandi kwelaka mpi kubutaka bana. Keti nge mewaka dyambu yai? [Bika muntu yango kupesa mvutu.] Yo kele mfunu na kuzaba kyeleka. [Tanga Yoane 17:3.] Disolo yai kepesa bikuma ya kutula ntima na mambu yina Biblia ketuba sambu na Yezu.” Tubila disolo yina keyantika na lutiti 26.

Reveillez-vous! Aprili

Tanga Nkunga 37:9-11. Na nima, yula nde: “Nge keyindula nde nsi-ntoto tavanda nki mutindu ntangu mambu yai talungana? [Bika muntu yango kupesa mvutu.] Disolo yai ketubila mbikudulu yai ya kepesa kikesa mpi ketendula sambu na nki beto kemona mbi mingi na nsi-ntoto bubu yai.” Tubila disolo yina keyantika na lutiti 20.

Nzozulu ya Nkengi Yuni 1

“Keti nge mekudiyulaka dezia sambu na nki Nzambi kepesaka nzila na bampasi? [Bika muntu yango kupesa mvutu.] Tala mutindu nsoniki mosi ya Biblia kuyulaka ngyufula yina ya bantu mingi meyulaka. [Tanga Nkunga 10:1.] Zulunalu yai ketadila mambu yina Biblia ketuba na yina metala kikuma yina Nzambi mepesaka nzila na bampasi mpi mambu yina yandi ke na kusala sambu na kumanisa yo.”

Reveillez-vous! Mayi

“Bantu mingi kezolaka kuyambula kunwa makaya kansi bo kemonaka mpasi mpenza na kusala yo. Keti nge mezaba muntu mosi yina tazola kuyambula kikalulu yina? [Bika muntu yango kupesa mvutu.] Bantu yankaka memonaka mbote na kulomba lusadisu ya banduku mpi bantu ya dibuta. [Tanga Longi 4:12a.] Zulunalu yai kepesa mwa mabanza ya mfunu sambu na kusadisa muntu na kuyambula kunwa makaya.”