Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Mayi 1

“Keti nsi-ntoto zolaka kuvanda ya kuswaswana mpenza kana konso muntu vandaka kulanda bangogo yai ya Yezu? [Tanga Matayo 7:12. Na nima bika muntu yango kupesa mvutu.] Disolo yai ketubila mwa malongi ya Yezu sambu na kumonisa mambu yina yo kelombaka mpenza sambu na kuvanda Mukristu.” Tubila disolo yina keyantika na lutiti 16.

Reveillez-vous! Mayi

“Keti nge keyindula nde mambu ya metala mbongo tatoma ntama mingi ve? [Bika muntu yango kupesa mvutu.] Bantu mingi mezaba ve mutindu Biblia lenda sadisa beto na bantangu ya mpasi ya mutindu yai. [Tanga verse mosi ya kele na disolo yango.] Disolo yai kemonisa mutindu bandongisila yina mekatuka na Biblia lenda sadisa beto na kukanga-ntima ntangu beto kezaba ve kana mambu ya mbongo tatoma to ve.” Tubila disolo yina keyantika na lutiti 18.

Nzozulu ya Nkengi Yuni 1

“Na kuswaswana ti bamvula yina meluta, bubu yai mabundu mingi ketubilaka ve disumu. Keti nge kendima nde masumu kele dibanza mosi ya memanaka ngala, to keti yo kele kima mosi ya beto fwete kudiyangisa sambu na yo? [Bika muntu yango kupesa mvutu. Na nima tanga Roma 5:12.] Zulunalu yai kemonisa mambu yina Biblia ketuba na yina metala disumu.”

Reveillez-vous! Yuni

“Yo kemonana nde luzingu ke na kukuma kaka ti basusi mingi. Keti nge kendima yo? [Bika muntu yango kupesa mvutu.] Bantu mingi keyindulaka nde bangogo yai ketendula kikuma mosi ya kesalaka nde basusi kuvanda mingi. [Tanga 2 Timoteo 3:1.] Zulunalu yai ketubila mutindu basusi kevandaka na bupusi na luzingu na beto. Yo kepesa mpi mwa bandongisila ya kemonisa mutindu beto lenda kudiyala kana beto ke na basusi.”