Manaka Sambu na Mposo ya Mayi 31
MPOSO YA KEBANDA NA MAYI 31
Nkunga 114 (180)
□ Kulonguka ya Biblia ya Dibundu:
□ Nzo-Nkanda ya Kisalu ya Teokrasi:
Lutangu ya Biblia: 2 Samuele 16-18
No. 1: 2 Samuele 17:1-13
No. 2: Sambu na Nki Biblia Kebingaka Yezu “Mfumu ya Kilumbu ya Kupema”? (Mat. 12:8)
No. 3: Keti Beto Fwete Sambila “Basantu” Sambu Bo Tuba Sambu na Beto na Ntwala ya Nzambi? (rs-F lut. 187 ¶9–lut. 188 ¶5)
□ Lukutakanu ya Kisalu:
Nkunga 35 (81)
Min. 5: Baluzayisu.
Min. 10: “Keti Nge Memonisaka Dezia na Viziti ya Ntete Mutindu Beto Kelongukaka Biblia ti Bantu?” Diskure. Na nima ya kutendula ngindu ya kele na disolo, sadisa nsonga ya kemonisa mutindu ya kusadila yo.
Min. 20: “Mutindu ya Kulonga Bantu ya Mpa na Kusamuna.” Disolo na bangyufula mpi bamvutu. Na nima ya kutadila paragrafe 5, sadisa nsonga ya kemonisa nkuluntu mosi kesamuna ti nsamuni ya mpa. Nsamuni ya mpa ketuba mambu ya yandi yidikaka kansi yandi ketanga ve verse. Na nima ya kuyambula kyelo yina, nkuluntu kepesa muntu ya mpa ngindu mosi na mayele yonso mpi na ntima ya mbote, sambu na kusyamisa yandi na kusadila Biblia na bakyelo.
Nkunga 22 (77)