Mvutukila ya Nzo-Nkanda ya Kisalu ya Teokrasi

Beno tasadila bangyufula yai ya melanda na Nzo-Nkanda ya Kisalu ya Teokrasi na mposo yina kebanda na Yuni 27, 2011. Nkengi na nzo-nkanda tatwadisa mvutukila ya minuta 20 ya mesimbama na malongi ya badevware yina kusalamaka na bamposo yina kebanda na Mayi 2 tii na Yuni 27, 2011.

1. Inki dilongi beto lenda baka na mutindu Yehowa kulombaka Yobi na kusamba sambu na bantu yina kusalaka yandi mbi? (Yobi 42:8) [w98-F 8/15 lut. 30 par. 5]

2. Inki kele “makabu ya [lunungu]” yina Bakristu kepesaka bubu yai? (Nk. 4:6) [w06 6/1 lut. 30 par. 7]

3. Inki mutindu bapiku ya Davidi kulongisilaka yandi? (Nk. 16:7) [w04 12/1 lut. 23 par. 9]

4. Inki mutindu “zulu ke songa mbote-mbote lukumu ya Nzambi”? (Nk. 19:2) [w04 10/1 lut. 24 par. 8]

5. Nkunga 27:14 kemonisa nki kuwakana na kati ya kutula ntima mpi kuvanda ti kikesa? [w06 10/1 lut. 25 bapar. 3, 6]

6. Inki mutindu Nkunga 37:21 fwete vanda ti bupusi na bangwisana na beto ti bampangi na beto Bakristu? [w88-F 8/15 lut. 17 par. 8]

7. Inki dilongi beto lenda baka na yina metala kumonisa ntonda na mbandu ya Mulevi yina kuvandaka na kimpika? (Nk. 42:2-4) [w06 7/1 lut. 9 par. 3]

8. Inki lenda sadisa beto na kuyedisa zola ya lunungu mpi kumenga mambu ya mbi? (Nk. 45:8) [cf balut. 58-59 bapar. 8-10]

9. Davidi kulombaka nde “mpeve” ya nani kusadisa yandi? (Nk. 51:12, NW) [w06 7/1 lut. 9 par. 10]

10. Inki mutindu beto lenda vanda bonso nti ya baolive yina kele na nzo ya Nzambi? (Nk. 52:10) [w00-F 5/15 lut. 29 par. 6]