“Bangunga Ikwa Mu Fwete Pesa na Rapore?”

Keti nge mekudiyulaka dezia ngyufula yai? Bantuma ya ketadila mambu yai kele na balutiti 86-87 ya mukanda Beto Mevukana. Bantangu yankaka, beto ketindaka bantuma ya ngika, mumbandu bantuma yina kele na Kisalu na Beto ya Kimfumu ya Septembri 2008 na kitini, Bamvutu na Bangyufula na Beno. Sambu mambu keswaswanaka na bisika mingi, beto tapesa ve bantuma mingi-mingi. Yo yina, yo tavanda mbote ve nde bankuluntu to bantu yankaka kuyika bantuma yankaka.

Kana ngyufula mosi mebasika sambu na dyambu yai, mpi ata mukanda mosi ve kepesa lutwadisu, konso nsamuni lenda kudiyula nde: Keti yo vandaka mpenza ntalu ya bangunga ya mu lutisaka na kisalu ya kusamuna? To, keti mu lutisaka ntangu na kusalaka kima yankaka yina ketadila ve mpenza kisalu ya kusamuna? Mambu ya beto kesonikaka na rapore na beto ya kisalu ya bilanga konso ngonda fwete pesa beto kyese, kansi ve kuyangisa kansansa na beto. (Bis. 23:1) Ya kyeleka, susi na beto ya ntete kele ve ya kuzaba mutindu ya kutanga bangunga, kansi ya kusadila ntangu na beto na mutindu ya mbote na kuvandaka kikesa na kisalu ya kusamuna.—Baeb. 6:11.