Les jeunes s’interrogent... Que vais-je faire de ma vie ? (Kitini 1)
Ntangu batoko kekumaka bambuta, yo kelombaka nde bo baka badesizio ya mfunu. Sambu na kusadisa bo, organizasio ya Yehowa mebasisaka video Les jeunes s’interrogent... Que vais-je faire de ma vie ? Ntangu nge kekangula DVD, pona Drame, mpi landa mambu ya kele na kati. Na nima tala kana nge lenda pesa mvutu na bangyufula ya kele awa na nsi na paragrafe 2. Na nima, vutuka na luyantiku mpi pona Interviews, ebuna pona Souvenirs, mpi meka kupesa mvutu na bangyufula yina kele na paragrafe 3.
Drame: (1) Inki mutindu mambu ya luzingu ya Timoteo mefwanana ti ya baleke mingi ya Bakristu bubu yai? (2) Inki mutindu bo pusaka Andre na kuzaba kusala bansaka ya kubaka ntinu mbote kibeni? (3) Mpangi Fleissig zabisaka Andre nki na yina metala (a) kudipesa na Yehowa mpi kudipesa na bansaka? (Mat. 6:24) (b) kisika kyese ya kyeleka kekatukaka? (c) mambu yina dilonga ya yandi vandaka kusadila na camp de concentration vandaka kuyibukisa yandi? (d) bantu yina kele na lweka na yandi ti nkento na yandi na foto? (e) kana yandi kemona mpasi mutindu yandi sobaka balukanu na yandi? (Filp. 3:8) (4) Inki mvutu nkaka ya Andre pesaka Andre ntangu yandi yulaka nde, “Keti yo kele mbi na kukuma muntu ya kebakaka ntinu, yina mezabanaka mingi?” (Luka 4:5-7) (5) Keti kununga na nsaka ya ntinu pesaka Andre kyese ya kyeleka? (6) Inki sepedisaka nge mingi na mukanda ya nsuka yina Mpangi Fleissig sonikilaka Andre? (Bing. 10:22) (7) Mpangi Fleissig sadisaka Andre na kubakisa inki?
Souvenirs : (8) Inki kisalu mpangi-bakala mpi mpangi-nkento vandaka kusala, mpi sambu na nki? (9) Inki mutindu bo nungaka? (10) Inki sadisaka konso muntu na kati na bo na kubaka lukanu ya kusoba kisalu na yandi? (2 Kor. 5:11) (11) Inki bisalu ya kimpeve yingaka bisalu na bo ya ntete, mpi sambu na nki bo monaka nde bo lendaka ve kuvukisa yonso zole? (12) Keti bo waka mpasi mutindu bo sobaka balukanu na bo na luzingu? (13) Inki mambu bo tubaka yina pusaka nge mpenza na kuyindula na yina metala mambu ya nge fwete sala na luzingu?
Beto kelomba nge na kutala ba-interview yankaka ti mambu yankaka ya ngika, mpi kudibongisa sambu na kupesa bakomantere ntangu beno talonguka yo na Lukutakanu ya Kisalu ya mposo yina kelanda.