Inki Nge Tasala na Luzingu na Nge?
1 Bantangu yankaka bo keyulaka bana nde, “Nge kezolaka kukuma nani kana nge meyela?” Kana nge kele bakala, keti nge vandaka kutuba nde nge kezolaka kuvanda koboyi? polisi yina kefwaka tiya? nkengi ya nzyunga? To kana nge kele nkento, nge vandaka kutuba nde nge kezolaka kuvanda muyimbi? infirmie? mupasudi-nzila ya nene? Ntangu yai ya nge mekumaka mbuta, nge fwete kudiyula ngyufula yai yankaka, ‘Inki mu tasala na luzingu na munu?’ Keti nge kele ya kuyilama sambu na kubaka desizio?
2 Sambu na kusadisa nge na kubaka desizio ya kuluta mbote, organizasio ya Yehowa mebasisaka DVD ya Les jeunes s’interrogent. . . Que vais-je faire de ma vie ? Beto kelomba nge na kutala yo, mpi na kuyindula mbotembote na mambu yonso yina ke na kati, disongidila drame, bainterview, mpi mambu yankaka ya kele na kati. Mambu ya ke na kati kele na lupangu “ Menu principal, “ (disongidila kisika bo kesonga mambu yonso ya ke na DVD yango).
3 Drame: Ntangu nge ketala bansonga, tadila bangyufula yai: (1) Na mambu ya bo metubila na Masonuku ya Kigreki ya Bukristu, inki mambu Timote kusalaka yina mefwanana ti ya Andre? (Bis. 16:1; 1 Tim. 4:8; 2 Tim. 1:5) (2) Banani vandaka kupusa Andre na kuzaba kusala bansaka mbote kibeni mpi nki mutindu? (3) Banani kusadisaka Timote ti Andre na kubaka badesizio ya mbote, mpi na nki mutindu? (2 Tim. 1:1-4; 3:14, 15) (4) Inki mutindu bandongisila ya kele na Matayo 6:24 mpi Filipi 3:8 kuvandaka na bupusi na Andre, mpi nki mutindu yo ke na bupusi na nge?
4 Chapitres: Na nima ya kutala drame ya mvimba, vutukila bansonga yai ya kelanda, mpi pesa bamvutu na bangyufula yai. “ Paul et Timothée “: Inki ndongisila ya nsuka Polo kupesaka Timote? (2 Tim. 4:5) “ Donner à Jéhovah le meilleur “: Inki balukanu ya kimpeve nge ke ti yo? “ Prise de position pour Jéhovah “: Kyese ya kyeleka kekatukaka na wapi? “ Le conseil d’une grand-mère “: Sambu na nki yo kele mbi na kuzola kukuma muntu ya mezabanaka mingi na ngidika yai ya Satana? (Mat. 4:9) “ Aucun regret “: Inki mambu lenda sadisa nge na kununga na luzingu?—Bing. 10:22.
5 Interviews: Ntangu nge ketala konso kitini yai kelanda, inki mambu nge kemona ya nge lenda sala sambu na kupesa Yehowa bima kuluta mbote? (1) “Kudipesa na Mambu ya Mpamba-mpamba to na Nzambi?” (1 Yoa. 2:17); (2) “Kusepela na Kisalu na Nge ya Kusamuna” (Nk. 27:14); mpi (3) “Kyelo ya Nene Mekanguka Sambu na Kisalu.”—Mat. 6:33.
6 Souvenirs: Keti nge lenda pesa mvutu? (1) Inki kisalu mpangi ya bakala ti ya nkento vandaka kusosa na kusala, mpi sambu na inki? (2) Na nki kiteso bo nungaka? (3) Inki kusadisaka konso muntu na kusala nsoba ya nene na luzingu na yandi? (2 Kor. 5:15) (4) Inki bisalu ya kimpeve kuyingaka bisalu ya bo vandaka kusala ntete, mpi sambu na nki bo yindulaka nde bo lenda sala ve yonso zole kumosi? (5) Keti bo vandaka na mawa sambu bo sobaka mambu ya bo vandaka kutula na kisika ya ntete na luzingu na bo? (6) Inki mambu bo tubaka yina kupusaka nge mpenza na kuyindula na mutindu ya nge fwete sadila luzingu na nge?
7 Autres interviews: Inki mambu nge melonguka na bainterview yai yina nge lenda sala sambu na kudipesa mingi na kisalu ya Yehowa? (1) “Mfunu ya Kulonguka ya Nge Mosi,” (2) “Mitindu Yankaka ya Kuta Kimbangi,” (3) “Kisalu ya Betele,” (4) “Nzo-Nkanda Yina Kelongaka Mutindu ya Kusala Kisalu,” mpi (5) “Nzo-Nkanda ya Gileadi.”—Tadila dyaka “ Index de publications traitant des sujets abordés, “ mpi tanga mambu yina kesepedisa nge kuluta.
8 Keti lere yai nge mebaka lukanu ya mutindu ya nge tasadila luzingu na nge? Polo kusyamisaka Timote nde: “Yindulula na mambu yai; kudipesa ya mvimba na yo, sambu kuyela na nge kumonika na meso ya bantu yonso.” (1 Tim. 4:15, NW) Beto kesyamisa nge na kusala mutindu ya nge memona mpi mewa na DVD yai. Lomba Yehowa na kusadisa nge na kubaka badesizio ya mayele yina tapesa nge kyese ya kyeleka mpi tasadisa nge na kununga na luzingu na nge ntangu yai mpi kuvanda na kyese na bilumbu kekwisa.
[Lupangu ya kele na lutiti 6]
MENU PRINCIPAL
Drame
Chapitres (bitini 11 ya kupona)
Interviews
Démarrer
Sections (bitini 3 ya kupona)
Souvenirs
Suppléments
Autres interviews
Index de publications traitant des sujets abordés
Sous-titres
Texte à l’écran (Malentendants)
Aucun
Sambu na kutala mambu yina kele na kati, sadila bidimbu, Suite ▶, ◀ Retour, mpi Menu principal.