Manaka Sambu na Mposo ya Oktobri 14

MPOSO YA KE BANDA NA OKTOBRI 14

Nkunga 32 mpi Kisambu

□ Kulonguka ya Biblia ya Dibundu:

jr kapu 15 §7-12 (Min. 30)

□ Nzo-Nkanda ya Kisalu ya Teokrasi:

Lutangu ya Biblia: Bafilipi 1–Bakolosai 4 (Min. 10)

No. 1: Bafilipi 3:17–4:9 (Min. 4 to na nsi ya minuta 4)

No. 2: Keti Yo Kele Mbi Kana Muntu Kubikisa Dibundu ya Bibuti na Yandi?—rs-F lut. 312 §1-3 (Min. 5)

No. 3: Inki Mutindu Kisambu Lenda Sadisa Beto na Kunwana ti Bampukumuna?—Luka 11:9-13; Yak. 1:5 (Min. 5)

□ Lukutakanu ya Kisalu:

Nkunga 68

Min. 15: Bumosi na Beto ya Nsi-ntoto ya Mvimba Ke Pesaka Yehowa Lukumu. Disolo ya me katuka na mukanda Beto Mevukana, lutiti 165, paragrafe 2, tii na kantu-diambu ya lutiti 168. Lomba bampangi ya nkaka na kuta baeksperiansi ya kele na mikanda na beto yina ke monisa mutindu bumosi mpi zola ya Bambangi ya Yehowa pesaka dibaku ya kuta kimbangi.

Min. 15: “Nsangu ya Kimfumu No. 38 Yina Beto Ta Kabula na Novembri!” Disolo na bangiufula mpi bamvutu. Beno pesa bawi yonso kopi mosi ya Nsangu ya Kimfumu No. 38. Lomba nkengi na kisalu na kutubila bangidika yina dibundu me baka sambu na kukabula yo na teritware. Sadila na bunkufi mbandu ya bangogo ya kukotila na masolo yina kele na lutiti 4, mpi sadisa nsonga yina ke monisa mutindu beno lenda kabula Nsangu ya Kimfumu.

Nkunga 53 mpi Kisambu