Manaka Sambu na Mposo ya Oktobri 21
MPOSO YA KE BANDA NA OKTOBRI 21
Nkunga 33 mpi Kisambu
□ Kulonguka ya Biblia ya Dibundu:
jr kapu 15 §13-20 (Min. 30)
□ Nzo-Nkanda ya Kisalu ya Teokrasi:
Lutangu ya Biblia: 1 Batesalonika 1–2 Batesalonika 3 (Min. 10)
No. 1: 1 Batesalonika 2:9-20 (Min. 4 to na nsi ya minuta 4)
No. 2: Inki Dilongi Beto Lenda Baka na Mambu ya Mbote mpi ya Mbi Yina Salomo Salaka?—Bar. 15:4 (Min. 5)
No. 3: Biblia Ke Tuba Nki na Yina Me Tala Kuvukisa Mabundu?—rs-F lut. 313 § 1-4 (Min. 5)
□ Lukutakanu ya Kisalu:
Min. 15: Inki Dilongi Beto Ke Baka? Disolo ti Bawi. Beno tanga Marko 1:40-42, Marko 7:32-35, mpi Luka 8:43-48. Beno tadila mutindu baverse yai lenda sadisa beto na kisalu na beto ya kusamuna.
Min. 15: “Sadila Site Internet na Beto Sambu na Kulonga Bana na Nge.” Disolo na bangiufula mpi bamvutu. Ntangu beno ke tadila paragrafe 3, beno tendula kisika ya kuzwa “Guide des parents,” mpi beno pesa mbandu mosi ya malongi ya kele kuna. Ntangu beno ke tadila paragrafe 4, lomba bawi na kutubila mutindu bo sadilaka mbote site Internet na beto na lusambu na bo ya dibuta. Kana bantu mingi ke sadilaka ve Internet na teritware na beno, beto ke lomba beno na kusadila disolo: “Bibuti, Beno Kuzwa Kyese na Bana Na Beno—Losaka “Masa” Ntangu Yonso” (w96 12/1 balut. 22-23).
Nkunga 88 mpi Kisambu