Manaka Sambu na Mposo ya Februari 16

Nkunga 80 mpi Kisambu

Kulonguka ya Biblia ya Dibundu:

cl kapu 20 § 8-15 (Min. 30)

Nzo-Nkanda ya Kisalu ya Teokrasi:

Lutangu ya Biblia: Bazuzi 15-18 (Min. 8)

No. 1: Bazuzi 16:13-24 (Min. 3 to na nsi ya minuta 3)

No. 2: Inki Nsangu Kele na Biblia?​—igw lut. 8 §1-4 (Min. 5)

No. 3: Apolo​—Ntu-Diambu: Muntu ya Kudikulumusa, ya Kikesa mpi Mutubi ya Mbote—​it-1-F lut. 138 (Min. 5)

Lukutakanu ya Kisalu:

Ntu-Diambu ya Ngonda: Vanda “Kikesa Sambu na Bisalu ya Mbote.”​—Tito 2:14.

Nkunga 92

Min. 15: Kudibongisa Sambu na Kulonga Nsangu ya Mbote ti Kikesa Yonso. Disolo ti Bawi. Sambu na nki kusamba Yehowa kele kitambi ya ntete ya kudibongisa sambu na kusala kisalu ya kusamuna? (Nk. 143:10; Bis. 4:31) Katula kisambu, nki ya nkaka kele mfunu? (Ezra 7:10) Na nima ya kudibongisa na kimpeve, nki bitambi ya nkaka beto fwete sala sambu na kuyidika mikanda mpi sakosi na beto ya kisalu ya kusamuna? Inki kele mambote ya kudibongisa mbote? (Tala Nzozulu ya Nkengi, Yuli 15, 2008, lut. 18, par. 9.) Inki mutindu nge ke kudibongisaka sambu na kisalu ya kusamuna? Lomba nsamuni mosi na kusala nsonga ya ke monisa mutindu ya kudibongisa sambu na kisalu ya kusamuna. Na nsonga yango, nsamuni ke vutukila mambu ya kele na batrakiti, na bazulunalu mpi na tumikanda ya yandi ta sadila. Na nima, yandi ke bongisa sakosi na yandi ya kisalu ya bilanga mpi ke zikisa kana apareyi na yandi ke sala mbote. Monisa bantu yonso pwelele nde beto fwete kudibongisa mbote ntangu beto ke kwenda na kisalu ya kusamuna.​—2 Tim. 3:17.

Min. 15: “Keti Nge Ta Landa Mbandu ya Kikesa ya Yehowa mpi ya Yezu na Nsungi ya Lusungiminu?” Disolo na bangiufula mpi bamvutu. Beno pesa konso muntu emvitasio mosi ya Lusungiminu mpi beno tadila mambu ya kele na kati. Sadila mbandu ya bangogo ya kukotila na masolo ya kele na lutiti ya 4 sambu na kusadisa nsonga mosi ya nkufi.

Nkunga 30 mpi Kisambu