Beto Yedisa Mayele na Beto na Kisalu ya Kusamuna​—Yula Bangiufula Mbote

SAMBU NA NKI YO KELE MFUNU: Kana “bangindu ya ntima ya muntu kele bonso bamasa ya mudindu,” bangiufula kele bonso kantini sambu na kubaka yo. (Bin 20:5) Bangiufula ke sadisaka beto na kubakisa bawi na beto. Mbala mingi, bamvutu na bangiufula ya mbote ke salaka nde beto solula mbote ti muwi. Yezu yulaka bangiufula mbote. Inki mutindu beto lenda landa mbandu na yandi?

MUTINDU YA KUSALA YO:

• Yula bangiufula ya ke pusa muwi na kubasisa mabanza na yandi. Yezu yulaka bangiufula sambu na kuzaba mabanza ya balongoki na yandi. (Mat 16:13-16; be 238 § 3-5) Inki bangiufula ya kuzaba mabanza ya muwi nge lenda yula?

• Yula bangiufula ya ke pusa muwi na kutuba bangindu na yandi. Sambu na kusungika mabanza ya Piere, Yezu yulaka yandi bangiufula mpi pesaka bamvutu mingi yina pusaka Piere na kupesa mvutu ya mbote. (Mat 17:24-26) Inki bangiufula ya ke pusa muwi na kutuba ngindu na yandi nge lenda yula sambu na kusadisa yandi na kupesa mvutu ya mbote?

• Sikisa muwi. Ntangu longi ya bansiku ‘pesaka mvutu na mayele,’ Yezu sikisaka yandi. (Mar 12:34) Inki mutindu nge lenda sikisa muntu yina me pesa mvutu na ngiufula?

TALA KITINI YA NTETE YA VIDEO SALA KISALU YINA YEZU SALAKA—LONGA, MPI NA NIMA PESA MVUTU NA BANGIUFULA YAI:

• Sambu na nki yo kele mbandu ya mbi ya kulonga ata nsangu yango kele ya kieleka?

• Sambu na nki beto fwete suka kaka ve na kutendula malongi?

TALA KITINI YA ZOLE YA VIDEO, MPI NA NIMA PESA MVUTU NA BANGIUFULA YAI:

• Inki mutindu mpangi yina yulaka bangiufula ya mbote?

• Inki kele mambu ya nkaka ya beto lenda landa na mutindu ya kulonga ya mpangi yina?