Beto Yedisa Mayele na Beto na Kisalu ya Kusamuna​—Yantika Disolo Yina Lenda Sadisa na Kuta Kimbangi

Yezu taka kimbangi na dibaku ya mbote na nkento mosi ya Samaria sambu Yezu yantikaka kusolula ti yandi. Inki mutindu beto lenda yedisa mayele na beto na kuyantika masolo ti banzenza?

• Solula na mawete yonso ti muntu. Ata Yezu vandaka ya kulemba, yandi yantikaka ntete kulomba masa sambu na kuyantika disolo na yandi. Nge lenda yantika ntete na kupesa muntu mbote na kiese yonso. Ziku nge lenda tubila mutindu kilumbu kele to diambu mosi ya me katuka kusalama. Kuvila ve nde, lukanu na nge kele ya kuyantika disolo ti muntu, yo yina tubila konso disolo yina lenda sepedisa muntu. Kana yandi me sepela ve, nge me vidisa ve ata kima. Meka kusolula ti muntu ya nkaka. Lomba Yehowa na kupesa nge kikesa.—Neh 2:4; Bis 4:29.

• Sadila dibaku yina nge kele na yo sambu na kulonga nsangu ya mbote, kansi kunwanina ve. Kwenda ti disolo malembe-malembe. Kana nge kwenda ti disolo ntinu-ntinu muntu lenda lemba mpi kuzenga disolo. Kulemba nitu ve kana disolo me suka na nzila kansi nge me ta ve kimbangi. Kana nge ke kuka ve kulonga nsangu ya mbote, meka mutindu ya kuyantika masolo, kansi ve ti lukanu ya kuta kimbangi. [Songa video 1 mpi beno tubila yo.]

• Sadila dibaku mosi sambu na kutubila balukwikilu na nge yina lenda pusa muwi na kusosa kuzaba mambu mingi. Yezu tubaka mambu ya mfunu yina pusaka nkento yina na kuyula bangiufula. Yo yina, ntangu Yezu tubilaka nsangu ya mbote, yandi pesaka bamvutu na bangiufula ya nkento yina. [Songa video 2 mpi beno tubila yo; na nima songa video 3 mpi beno tubila yo.]